DensaulyqQoǧam

ADAMDY AMAN ALYP QALDY

Elordadaǧy №2 qalalyq auruhananyŋ kardio­hirurg­terı ekı ret klinikalyq ölımdı bas­tan keşken kısıge kürdelı ota jasady. Alpys tört jastaǧy pasienttıŋ jaǧ­daiy bügınde jaqsy.

Būl – kardiologiiadaǧy erekşe uaqiǧalardyŋ bırı. Atalǧan jait turaly astanalyq därıgerler köşpelı otyrys aiasynda medisinalyq mekemede qonaqta bolǧan Mäjılıs deputattaryna baiandap berdı. Halyq qalaulylaryn bärınen būryn medisinalyq kömektıŋ qoljetımdılıgı men qauıpsızdıgı, sondai-aq, qanai­nalym jüiesınıŋ aurularyna qatysty mäseleler qyzyqtyrdy. Därıgerlerdıŋ tiımdı jūmysy arqa­synda qanainalym jüiesı aurularynan bolatyn ölım körsetkışı bas şaharda 41,8 paiyzǧa azaiypty. Jalpy, jüregı auyratyn azamattarǧa arnal­ǧan stasionarlyq kömektıŋ 93 paiyzy №2 auruhanada körse­tıledı eken. Mäjılıs deputattary klinikaǧa, onyŋ jabdyqtaluyna, mamandaryna, sonymen qosa, ondaǧy medisinalyq qyzmettıŋ sapasyna joǧary baǧa berdı.
Būl auruhana köpprofildı stasionar retınde Astana qalasy men respublika jūrtşylyǧyna jedel jäne josparly medisinalyq kömek körsetedı. Stasionar 2010 jyldyŋ mausymynda paidalanuǧa berılgen. 2015 jyly mūnda 10866 adamǧa ota jasalǧan. Därıgerlerdıŋ aituyn­şa, jürek auruyna şaldyqqan pasientterdı emdeude erte sauyq­tyru ısıne erekşe nazar audarylady. Būdan bölek, kardiologtar öz nauqastarynyŋ hal-ahualyn üiıne şyǧarylǧannan keiın de baqylap otyrady. Sol üşın stasionar elor­dadaǧy barlyq emhanalarmen tyǧyz ärıptestıkte jūmys ısteidı.

Botagöz MARATQYZY

Taǧyda

Ūqsas jaŋalyqtar

Pıkır üsteu

Back to top button