Ädılbek JAQSYBEKOV: ELBASY JOLDAUY BIZDIŊ ALDAǦY UAQYTTA ATQARAR JŪMYSTARYMYZDYŊ BASTY İMPERATİVI BOLUY ŞART
ASTANA IS JÜZINDE MEMLEKETTIŊ PROGRESSİVTI DAMUYNDAǦY MULTİPLİKATOR BOLUY KEREK
Astana qalasynyŋ äkımı Ädılbek Jaqsybekovtıŋ «Nūrly jol – bolaşaqqa bastar jol» atty Memleket basşysynyŋ Qazaqstan halqyna Joldauyn talqylau boiynşa qalalyq aktivtegı baiandamasy.
Qaiyrly kün, qūrmettı ärıptester!
«Nūr Otan» partiiasynyŋ Saiasi keŋesınıŋ keŋeitılgen mäjılısınde Prezidentımız Nūrsūltan Äbışūly Nazarbaev Qazaqstan halqyna «Nūrly jol – bolaşaqqa bastar jol» atty jaŋa Joldauyn jariialady.
«Nūrly jol» – bolaşaqqa bastaityn asa maŋyzdy, qazırgı uaqytta qajettı strategiialyq qūjat.
El ekonomikasyn örkendetu, damyǧan memleketterdıŋ qatarynan laiyqty oryn alu üşın Joldauda aitylǧan tapsyrmalardy oryndau – bızdıŋ mındetımız. Sondyqtan keşendı jospar qūryp, Elbasy tapsyrmalaryn oryndau ıs-şaralaryn daiyndauymyz kerek. Qysqa uaqyt ışınde tabysty jūmystar atqaruymyz qajet.
Joldauda memleketımızdı, ekonomikamyzdy damytudyŋ barlyq baǧyttary, damu joldary körsetılgen. Sondyqtan bar küş-jıgerımızdı aiamai jūmys jasauymyz qajet. Būl – bızdıŋ ortaq paryzymyz, basty maqsatymyz.
Qūrmettı ärıptester!
«Qazaqstan – 2050» strategiiasynyŋ kökjiegın keŋeite kele, bügınde älemdık ekonomikadaǧy jaǧdaidyŋ tūraqsyzdyǧyna qaramastan, qater men qauıpterge jauap retınde kelesı kezeŋ – Qazaqstannyŋ «Nūrly jol» jaŋa ekonomikalyq saiasatyna öttık. Ekı vektordyŋ qiylysatyn jerınıŋ bırı – Qazaqstannyŋ damu joly, ekınşısı – sözsız tabysqa qol jetkızu.
Bilıktegı «Nūr Otan» partiiasynyŋ Saiasi keŋesı mäjılısınde Elbasy osyny öz Joldauynda atap öttı. Bügın qalalyq aktivtıŋ keŋeitılgen otyrysynda Joldaudyŋ basty tūstary men baǧyttaryn talqyǧa salamyz. Būl elımızdıŋ qalyptasu tarihynda öz ornyn alatyn, tarih enşısıne ötıp bara jatqan jyly bolǧan maŋyzdy oqiǧalardyŋ bırı dep sanaimyn.
Bız damyǧan 50 memlekettıŋ qataryna qosylyp, üzdık 30 elge qosyluǧa qadam jasadyq.
Prezidentımız Nūrsūltan Äbışūly Nazarbaevtyŋ arqasynda Qazaqstan ülken jetıstıkterge jettı. Bügınde Qazaqstan – myqty äleumettık-ekonomikalyq ırgetasy bar memleket. Bızdıŋ memleketımızdıŋ jalpy modernizasiia men reformalar jürgızu merzımı basqa elderge qaraǧanda kem degende 4 ese qysqa bolyp şyqty.
Astanamyz Qazaqstan örkendeuınıŋ jarqyn ülgısı bolyp tabylady. Ekonomikalyq-tehnologiialyq damumen qatar, äleumettık-mädeni salada da aitarlyqtai jetıstıkterge jetude. Tırşılık äreketındegı eleulı özgerıster bırden baiqalady.
Osynyŋ barlyǧy, eŋ aldymen, uaqytpen tekserılgen strategiialyq josparlaudy jetıldırgen Elbasynyŋ saiasi jıgerlılıgınıŋ arqasy. Olar «Qazaqstan – 2030», «Qazaqstan – 2050» qūjattarynda bekıtılgen jäne elımızdıŋ bügıngı «Nūrly jol» jaŋa ekonomikalyq saiasatynda da körsetılgen.
Memleket Basşysynyŋ «Nūrly jol – bolaşaqqa bastar jol» atty Joldauy – būl ekonomika ösuınıŋ jetekküşı.
Alda bızdı ülken jäne jauapkerşılıktı jūmys kütıp tūr, ony laiyqty atqaru üşın bız ärdaiym ūiymşyl boluymyz qajet. Bızdıŋ küşımız bırlıkte, bır-bırımızge tolerantty boluymyz kerek, ūltaralyq jäne konfessiiaaralyq yntymaqtastyqty saqtau kerek degendı Elbasymyz atap aitty.
Kez kelgen memlekette ekonomika örkendemese, äleumettık progress tejeledı. Bızdıŋ aldymyzda jaŋa ekonomikalyq prinsipterge köşu maqsaty tūr. Bırınşı kezekte 2015 jylǧa arnalǧan biudjettıŋ parametrlerın qaita qarau kerek, soǧan säikes özgertuler engızu qajet. Sonymen qatar, bız barlyq äleumettık şarttar men mındettemelerdı qamtamasyz etuımız kerek.
Kölık, energetika, industrialdy jäne äleumettık infraqūrylymdar, sondai-aq, şaǧyn jäne orta biznes qosymşa kömek aluy tiıs. Sondyqtan kelesı baǧyttardy nazardan tys qaldyrmauymyz qajet.
Bırınşı. «EKSPO – 2017» halyqaralyq mamandandyrylǧan körmesın ötkızu qarsaŋynda Astana qalasynyŋ kölık infraqūrylymyn damytu kerek, būl elordalyq äuejaida jaŋa terminaldyŋ qūrylysy men ūşyp-qonu jolyn qalpyna keltıruge de qatysty.
Ekınşı. İndustrialdy infraqūrylymdy damytu. №2 İndustrialdy parktı salu jūmystaryn jalǧastyru kerek, ony naqty jobalarmen toltyryp, ılespelı infraqūrylymdy qalyptastyru qajet.
Būl şaǧyn jäne orta biznestı damytuǧa, qosymşa investisiialar tartuǧa, jūmys oryndaryn qūruǧa ülken yqpal etedı.
Qalany damytudyŋ maŋyzdy baǧyttarynyŋ bırı – «Aqyldy qala» jobasyn jüzege asyru bolyp tabylady. Oǧan elordamyzdyŋ tūrmys-tırşılıgınıŋ köptegen salalary kıredı, sondyqtan būl mäselenı nazarda ūstau kerek.
Üşınşı. Energetikalyq infraqūrylym. JEO-1, JEO-2 qalpyna keltıru jūmystaryn, JEO-3 jäne basqa da ırı energetikalyq jobalardyŋ qūrylysyn, sonyŋ ışınde TKŞ infraqūrylymyn jäne su-elektr quatymen qamtu jelılerın jaŋǧyrtudy belgılengen merzımde jürgızuımız kerek.
Törtınşı. Arendalyq tūrǧyn üi qūrylysyn jürgızu täsılderın qaita qarastyryp, ony deldalsyz jäne barynşa tömen paiyzdarmen nesiege beru kerek. Būl turaly Joldauda tura aitylǧan.
Besınşı. Äleumettık infraqūrylymdy damytudy, jeke sektordy tarta otyryp, mektepterdegı jäne mektepke deiıngı mekemelerdegı oryndardyŋ jetıspeuşılıgın qysqartudy qolǧa alu kerek.
Saiasattyŋ jaŋa ūstanymdary äleumettık kepıldemeler men jeke jauapkerşılıkke qatysty. Bügıngı qoǧamnyŋ talaby – jaŋartylǧan jäne äldeqaida tiımdı äleumettık saiasat. Oǧan, bırınşıden, memleket kepıl bergen eŋ tömengı äleumettık standart, ekınşıden, halyqtyŋ äleumettık osal toptaryna atauly kömek körsetu, üşınşıden, äleumettık disbalans mäselesın şeşu jäne eŋ soŋǧysy, törtınşıden, jūmyspen qamtudy qamtamasyz etu jäne eŋbekaqy töleu saiasatyn modernizasiialau jatady.
Qazırgı zamanǧy bılım jüiesınıŋ baǧyttary anyqtaldy. Bılım men käsıbi bılıktılıkke ie bolu, kadrlardy daiyndau jäne qaita daiarlau. Olardyŋ tūraqtylyǧy men ornyqtylyǧy üşın ūdaiy kreativtı şeşımder, salystyra tekserılgen şaralar men şeşımder qabyldau kerek.
Altynşy. Qūjatta ūlttyq ekonomikanyŋ jetekşı küşı – käsıpkerlıkke jan-jaqty qoldau körsetu kerek delıngen. Şaǧyn jäne orta biznes pen ıskerlık belsendılıktı qoldau boiynşa jūmysty jalǧastyru qajet. Onyŋ elordanyŋ jalpy öŋırlık önımı qūramyndaǧy ülesın ūlǧaitu kerek.
Jalpy alǧanda, ärbır basqarma özınıŋ egjei-tegjeilı josparyn äzırleu kerek. Sonymen qatar, Memleket basşysynyŋ «Nūrly jol – bolaşaqqa bastar jol» atty Joldauyn ıske asyru jönındegı jalpy qalalyq ıs-şaralar josparyn äzırleu qajet. Qala äkımı apparatyna jalpyūlttyq josparda körsetılgen mındetterdı eskere kele, ony daiyndau boiynşa şaralardy qabyldaudy tapsyramyn.
Qūrmettı astanalyqtar!
Barlyqtaryŋyz Prezidentımızdıŋ Joldauyn tyŋdadyŋyzdar. Onyŋ aitqan myna sözderı esterıŋızde qalǧan bolar: «Bızdıŋ keŋ-baitaq jerımızde joldar boiynda ärkezde de ömır paida bolǧan jäne damyp otyrǧan. Bız Astanadan barlyq jaqtarǧa avtomobil, temırjol jäne aviasiialyq magistraldar taraityndai kölık jelısın qūruǧa tiıspız. Jürekten taraityn arteriialar siiaqty. Künnen taraityn şūǧyla siiaqty».
Nūrsūltan Äbışūly damudyŋ basty ortalyǧy retınde elordany tegın belgılemedı, naqtyraq aitsaq, Astana – memleketımızdıŋ damuynyŋ negızgı ortalyǧy.
Bızge, astanalyqtarǧa, Prezident köp ümıt pen senım artatyny belgılı. Sondyqtan osynda otyrǧan barlyqtaryŋyzǧa Elbasy tapsyrmasyn oryndau üşın ülken mındet jüktelıp otyr.
Memleket Basşysynyŋ Joldauy bızdıŋ aldaǧy uaqyttaǧy atqarar jūmystarymyzdyŋ basty imperativı boluy kerek, Astana ıs jüzınde memlekettıŋ progressivtı damuyndaǧy multiplikator boluy kerek.
Elbasy Joldauynyŋ negızgı şarttaryn sapaly jäne tiımdı oryndau arqyly közdelgen maqsattarǧa jetemız dep senemın.
