– Jaŋa sessiianyŋ aşyluynda söz söilegen Memleket basşysy bır jyldyŋ ışınde elımızdıŋ qoǧamdyq-saiasi ömırınde bolǧan negızgı özgerısterge toqtalyp, qoǧamdaǧy bastau alǧan reformalardyŋ älı de jalǧasa beretındıgıne jäne būl özgerıster saiasi qūrylymdy jetıldıru üşın qajet ekendıgıne toqtaldy. Saiasi üderıstı demokratiialandyryp, azamattardyŋ memlekettı basqaru ısıne qatysu mümkındıgın arttyru kerektıgıne nazar audardy. Zaŋ şyǧaruşy bilık ökılderın barynşa el müddesı üşın jūmyla jūmys ısteuge şaqyryp, olardyŋ sailauşylar aldyndaǧy jauapkerşılıkterınıŋ joǧary ekenın eskerttı. Memleket basşysy deputattarǧa bır ǧana maŋyzdy mındet jükteletının, iaǧni ärdaiym özgerısterdıŋ bel ortasynda bolu kerek ekenın atap ötıp, olardy maŋyzdy şeşımder qabyldauda ıskerlık pen jauapkerşılık jäne otanşyldyq qasietterge basymdylyq beruge şaqyrdy.
Sonymen qatar, Prezident Ükımetke de bırşama tapsyrmalar berdı. Sonyŋ ışınde şaǧyn jäne orta käsıpkerlıktı damytudyŋ maŋyzdylyǧyna toqtaldy jäne arnaiy baǧdarlama äzırleudı tapsyrdy. Äleumettık sala boiynşa da, sonyŋ ışınde, adami kapitaldyŋ sapasyn arttyru kerektıgı kün tärtıbınen tüspeitındıgın eskerttı. Äsırese, densaulyq pen bılım beru salasyndaǧy oŋ özgerısterge toqtala kele, älı de bolsa atalǧan salalardy damytu kerektıgıne basty nazar audardy. Sonymen qatar, ana men bala jäne mümkındıgı şekteulı azamattardyŋ jaǧdaiyn jaqsartudy ükımetke tapsyrdy.
Zulfuhar SŪLTANŪLY,
Astana qalasy Qoǧamdyq keŋesınıŋ töraǧasy, Ūlttyq
Qūryltaidyŋ müşesı
