Memlekettık hatşy, Qazaqstan Respublikasy Prezidentı janyndaǧy Äielder ısı jäne otbasylyq-demografiialyq saiasat jönındegı Ūlttyq komissiia töraiymy G.Äbdıqalyqova «BŪŪ-Äielder» ūiymynyŋ Qazaqstandaǧy ökılı, Ortalyq Aziiadaǧy «BŪŪ-Äielder» bırneşe elge arnalǧan bölımşesınıŋ direktory İ.Konkievichpen kezdestı, – dep habarlaidy Aqordanyŋ baspasöz qyzmetı.
Kezdesuge sondai-aq Ūlttyq komissiia töraiymynyŋ orynbasary, Parlament Mäjılısınıŋ deputaty E.Tarasenko qatysty.
Taraptar äielderdı jūmyspen qamtu, äiel käsıpkerlıgıne qoldau körsetu, ana men balany qorǧau, tūrmystyq zorlyq-zombylyqtyŋ aldyn alu, otbasylyq jäne ruhani-adamgerşılık qūndylyqtardy nyǧaitu mäselelerın şeşu ısındegı yntymaqtastyqtyŋ keleşegın talqylady.
Memlekettık hatşy Qazaqstan men «BŪŪ-Äielder» ūiymy arasyndaǧy yntymaqtastyqtyŋ deŋgeiı joǧary ekenıne toqtaldy. Genderlık teŋdıktı ılgerıletu, elımız müşesı bolyp tabylatyn äielderge qatysty şekteudıŋ barlyq türın joiu turaly BŪŪ Konvensiiasy erejelerın saqtau jönındegı bırlesken jūmysty atap öttı. Qazaqstan Respublikasynyŋ 2006-2016 jyldarǧa arnalǧan Genderlık teŋdık strategiiasy «BŪŪ-Äielder» ūiymynyŋ belsene atsalysuy arqyly äzırlenıp, qabyldandy.
Gülşara Äbdıqalyqova qazırgı jaǧdaidaǧy äielder rölınıŋ köpqyrlylyǧyna jäne olardyŋ jan-jaqty damuy men jasampazdyq äleuetın ıske asyru üşın jaǧdai jasau qajettıgıne nazar audardy.
Memlekettık hatşy Elbasynyŋ «Nūrly jol – bolaşaqqa bastar jol» atty jaŋa ekonomikalyq saiasaty aiasynda jaŋa jūmys oryndary men öndırıster qūrumen bailanysty barlyq infraqūrylymdyq jobalarǧa äielderdı belsendı türde tartuǧa Ūlttyq komissiia barynşa yqpal etetının atap körsettı.
