Aimaqtyq hab – auqymdy joba
Keşe Astana qalasynda QR Memlekettık qyzmet ısterı agenttıgı men Bırıkken Ūlttar Ūiymynyŋ Damu baǧdarlamasy bırlese otyryp memlekettık qyzmet salasynda öŋırlık habtyŋ qūryltai konferensiiasyn ötkızdı. Konferensiia jūmysyna älemnıŋ otyz elınen kelgen diplomatiialyq missiialardyŋ basşylary, halyqaralyq ūiym ökılderı, memlekettık organdardyŋ basşylary qatysty.
Aimaqtyq hab – älem elderı men halyqaralyq ūiymdar ökılderı arasynda memlekettık qyzmet salasy boiynşa täjıribe almasudyŋ dästürlı negızı. Iаǧni, öŋırlık baǧdarlamalar men jobalardy bırlesıp jüzege asyruǧa arnalǧan alaŋ. Memlekettık qyzmet ısterı agenttıgı men BŪŪ Damu baǧdarlamasynyŋ Ortalyq Aziia, Resei, Kavkaz elderı üşın memlekettık qyzmet salasynda bılım men täjıribe taratu jönındegı aimaqtyq hab qūru bastamasyna Elbasy da qoldau bıldırgen.
Qazaqstan üşın memlekettık qyzmet salasynda öŋırlık hab hatşylyǧynyŋ tiımdı jūmys ısteuıne barlyq jaǧdailar jasalatyn bolady. Būl jönınde qūryltai konferensiiasynyŋ qatysuşylaryna joldaǧan qūttyqtau sözınde Memleket basşysy: «Memlekettık qyzmettı damytu, ony halyqtyŋ künnen künge ösıp kele jatqan talabyna säikestendıru – kez kelgen ükımettıŋ maŋyzdy basymdyqtarynyŋ bırı. Al, är eldıŋ memlekettık qyzmet reformasynyŋ kün tärtıbı halyqaralyq täjıribe, aimaqtyq jäne ūlttyq erekşelıkterdı eskere otyryp, özektı mäselelerdı zerdeleu arqyly anyqtalady. Bız hatşylyqtyŋ tiımdı jūmys jasauyna barlyq jaǧdailar jasap, ärıptesterımızben bırge aimaqtyq hab qūruǧa küş salamyz» dedı.
Jiynda söz alǧan Memlekettık qyzmet ıster agenttıgınıŋ töraǧasy Älihan Baimenov öŋırlık habtyŋ qūryluy memlekettık qyzmettıŋ damuy-na tyŋ serpın beretının alǧa tartty.
Onyŋ aituynşa, elımızdegı memlekettık qyzmet modelın halyqaralyq sarapşylar joǧary baǧalaǧan.
– Qazaqstan özınıŋ memlekettık qyzmet salasyndaǧy jinaqtaǧan täjıribesımen bölısuge daiyn. Aimaqtyq hab qūru boiynşa ūstanymdar bügın taratylǧan tūjyrymdamanyŋ jetıldırılgen nūsqasynda da körınıs tapty. Tūjyrymdama jobasy boiynşa köptegen ūsynystar da kelıp tüstı. Onda aitylǧan pıkır ortaq – memlekettık qyzmet salasynda öŋırlık habtyŋ qūryluy özektı mäsele jäne onyŋ qajettıgı aiqyn, – dedı Ä.Baimenov öz sözınde.
Memlekettık qyzmet salasynda öŋırlık hab qūru turaly tyŋ bastama osydan bır jyl būryn köterılgen. Sodan berı bırqatar jūmystar atqarylyp, şet memleket basşylarymen ekı jaqty kezdesuler ūiymdastyrylǧan. Keibır eldermen yntymaqtastyq memorandumyna qol qoiyldy. Sonyŋ bırı – jiyn bolardan bır kün būryn AQŞ qyzmetkerlerdı basqaru keŋsesımen qol qoiylǧan yntymaqtastyq turaly qūjat.
Alqaly jiynda söz söilegen BŪŪ tūraqty üilestıruşısı jäne BŪŪ Damu baǧdarlamasynyŋ tūraqty ökılı Stiven Tull memlekettık qyzmet sapasynyŋ älemdık täjıribesı turaly oi bölıstı. Aimaqtyq hab qūru bastamasyn Qazaqstannyŋ auqymdy jobasy dep baǧalady. Sonymen qatar, qūryltaida şeteldık meimandar da aimaqtyq hab qūru ideiasy töŋıregınde öz oilaryn örbıttı. Barlyq qatysuşylar bastamaǧa bır auyzdan qoldau bıldırıp, jiyn qorytyndysy boiynşa deklarasiia qabyldady.
Gülmira AIMAǦANBET