Töl dınımızdegı qasiettı meiramnyŋ bırı – Qūrban aitty astanalyq mūsylmandar da köterıŋkı köŋıl-küimen, zor quanyşpen atap ötude. Üş künge sozylatyn merekenıŋ alǧaşqy künınde Hazıret Sūltan meşıtı ait namazyna jinalǧan jamaǧatqa lyq toldy.
Jaŋbyr astyndaǧy jamaǧat
TMD elderınde teŋdesı joq, aumaǧy at şaptyrym ülken meşıtke syimaǧan jūrtşylyq jauyn-şaşynǧa qaramai, Allaǧa qūlşylyqtaryn dalada jasady.
«Namazǧa jinalǧan astanalyq mūsylmandarǧa Hazıret Sūltan meşıtı de tarlyq etkendei ine şanşar oryn joq. Sap tüzegen jamaǧat ait namazyn jaŋbyrdyŋ astynda oquǧa mäjbür boldy» deidı meşıt qyzmetkerlerı.
Elbasy el bırlıgın tıledı
Sol künı Memleket basşysy Nūrsūltan Nazarbaev Hazıret Sūltan meşıtınde bolyp, qazaqstandyqtardy Qūrban ait merekesımen qūttyqtady. Nūrsūltan Äbışūly osynau erekşe meiramdy bükıl mūsylman älemı atap ötıp jatqanyn aitty. «Bügın barlyq mūsylman üşın maŋyzdy kün – Qūrban ait merekesı. Qazaqstanda bız būl kündı özge de dıni senımdegılerdıŋ merekesı tärızdı atap ötemız. Halyqtyŋ bırlıgınıŋ, Otanǧa degen süiıspenşılıgınıŋ arqasynda bızdıŋ elımız tabysty damuda. Täuelsızdık kezeŋınde halqymyz özınıŋ tarihi dınıne qaita oraldy. Bügınde küllı elımız boiynşa üş myŋnan astam meşıt bar. Bız Qazaqstandaǧy eŋ ülken meşıttı Astanada saldyq» dedı Prezident.
Elbasy elge beibıtşılık pen tynyştyq, baq-bereke men bırlık tılegen barlyq qazaqstandyqtardyŋ dūǧasynyŋ qabyl boluyn tıledı. «Alla taǧala bızge, tynyştyq jäne köp ūltty ärı köp konfessiialy halqymyzǧa bırlık bersın. Sonda bız elımızdıŋ barşa azamattarynyŋ igılıgı üşın Qazaqstandy odan ärı örkendete beretın bolamyz» dedı Memleket basşysy.
Qūrban şaluşylardyŋ qarasy mol
Merekenıŋ basty räsımı – Allanyŋ razylyǧy üşın tört tülıktıŋ bırınen qūrban şalu. Äsırese, uaq mal köp soiylady būl künderı. Elordada ait merekesiniŋ birınşi küninde bır qoi orta eseppen 25 myŋ teŋgeden satyldy. Mal satu jäne soiu üşin Astana qalasy äkimdigi arnaiy oryndar belgilegenın habarlaǧan bolatynbyz. Solardyŋ bırı – ortalyq bazar aumaǧyndaǧy «Nūrbereke» JŞS-da bır qoi 18 000-25 000 teŋge aralyǧynda pūldandy. Al qasapşy qyzmeti – 2 myŋ teŋge.
«Qūrban şalu kezinde qūran oqyp, mūsylman qauymǧa qyzmet körsetu üşin meşitten arnaiy keldik. Mūnda men siiaqty on dıni qyzmetker jür. Biyl qūrban şalyp jatqan jamaǧattyŋ qarasy ötken jylǧydan kem emes» deidi meşit ökili.
Aita ketu kerek, qala äkimdigı arnaiy bölgen oryndardan tys jerlerde de qūrbandyq şalyp jatqandar bar. Mūnda qoidy üş myŋ teŋgege soiyp beretın körınedı. «Būl jerlerde qoi soiuǧa bolmaidy. Biraq, mal bauyzdalyp qoiǧandyqtan, äzirşe eşteŋe istei almai tūrmyz. Rūqsat etilmegendikten, qazir ereje būzǧan adamdardy myna jerden quuǧa tura keledi» deidi qūqyq qorǧauşylar. Al, äkimdik arnaiy belgilegen mal soiu punktteriniŋ tizimindegi Dulatov köşesı, 191 meken-jaiyndaǧy «Pişekombinat-astanalyq plius» JŞS-da mal soiylyp jatqan joq.
Ashat RAIQŪL
