AITULY AKSİIа BIR AIǦA SOZYLADY
Bas qalada «Nazar audaryŋyz! Balalar!» jedel-aldyn alu ıs-şarasy bastaldy.
Ol osy aidyŋ 30-yna deiın jalǧasady. Aksiia aiasynda ūiymdastyrylǧan şaralar turaly Astana qalasy IID äkımşılık polisiia basqarmasy bastyǧynyŋ orynbasary Ǧosman Jaqin äŋgımeleidı.
– Atalmyş aksiia aiasynda qandai şaralar ūiymdastyrylady?
– «Nazar audaryŋyz! Balalar!» jedel-aldyn alu ıs-şarasy aiasynda Astana qalasyndaǧy Işkı ıster departamentı äkımşılık polisiia basqarmasynyŋ qyzmetkerlerı bılım beru mekemelerındegı jas jol qozǧalys inspektorlarymen bırlesıp mektep oquşylaryna kämeletke tolmaǧan balalardyŋ qatysuymen bolatyn jol-kölık oqiǧalarynyŋ aldyn alu, olardyŋ ömırı men densaulyǧyn saqtau, qala joldaryndaǧy jaǧdaidy tūraqtandyru boiynşa keŋ auqymdy tüsındıru jūmystaryn jürgızedı. Jol erejelerın būzǧan balalardyŋ ata-analary äkımşılık jauapkerşılıkke tartylady.
Astanada 72 mektep bolsa, barlyq bılım beru mekemelerınde sonşalyqty jas jol qozǧalys inspektorlary bar. Balalar jaraqattanuşylyǧyn aldyn alu maqsatynda olardyŋ qatysuymen sletter ūiymdastyrylyp tūrady. Mausym aiynda balalar Öskemende ötetın osyndai şaraǧa qatysyp qaitudy josparlap otyr.
Osy aksiia aiasynda bız Astanadaǧy №2 qalalyq balalar auruhanasynda bolyp, ondaǧy jol apatynan zardap şekken balalarǧa jarqyldauyq bılezıkter syiǧa tarttyq. Jarqyldauyq elementterı bar kiımderdı kiıp, zattardy qoldanǧan jaiau jürgınşını jürgızuşı täulıktıŋ qaraŋǧy mezgılınde de jolda jyldam baiqai alady. Olar 300-400 metrden körınedı.
– Qazırgı taŋda jol apaty saldarynan zardap şekken balalar sany qanşa?
– Bügınde Astanadaǧy №2 qalalyq balalar auruhanasynyŋ travmatologiialyq punktıne tüsken balalardyŋ sany 100-den 150-ge deiın köbeigen. Qazırgı uaqytta jol apaty saldarynan zardap şekken 27 bala osy emdeu mekemesınde em qabyldauda.
Jalpy, jaqynda tırkelgen 28 jol-kölık oqiǧasynyŋ saldarynan bır bala qaitys bolsa, 27 bala türlı jaraqat alǧan. Olardyŋ basym bölıgı, naqtyraq aitsaq, 23-ı joldy belgılenbegen jerlerden ötken. Sondai-aq, keibır ata-analar kämeletke tolmaǧan balalardy kölıkte ūstap otyratyn qūrylǧylarsyz tasymaldaidy. Osyndai jol apatynyŋ bırınde avtokreslosyz tasymaldanǧan 10 jasar qyz oqiǧa bolǧan jerde qaitys boldy. Aksiia aiasynda ūiymdastyrylatyn şaralar barysynda mūndai oqiǧalardyŋ aldyn alu üşın qauıpsızdık erejelerınıŋ qataŋ saqtaluyn eskertemız.
– Aksiia qanşalyqty jiı ötkızılıp tūrady?
– Jyl saiyn ekı ret: kezektı oqu jylynyŋ aiaqtalar aldynda jäne jaŋa oqu jyly qarsaŋynda ötkızemız. Mūndaǧy basty maqsat – kämeletke tolmaǧandardyŋ qatysuymen bolatyn jol-kölık oqiǧalarynyŋ aldyn alu, köşeler men joldarda qauıpsız mınez-qūlyq maşyqtaryn bekıtu.
Biyl mamyrdyŋ 20-sy künı bastalǧan aksiia osy aidyŋ 30-yna deiın jalǧasady. Aksiia aiaqtalǧanǧa deiın elordadaǧy ärbır oquşyǧa 4 ai merzımge jaramdy saqtandyru polisın syiǧa tartpaqşymyz.
Gülbarşyn ÖKEŞQYZY