Aqordada Memleket basşysy Nūrsūltan Nazarbaevtyŋ qatysuymen barlyq deŋgeidegı äkımderdıŋ keŋeitılgen mäjılısı öttı.
Būl oblys, qala, audan tızgının ūstaǧan şendılerge äkım boludyŋ basty mūraty – halqyna jaqyn bolu ekendıgın taǧy bır esterıne tüsırgen jiyn boldy.
«Sızderdıŋ jetıstıkterıŋız ben tabystaryŋyzǧa eşqandai dauym joq. Bıraq, solai eken dep, toqmeiılsıp ketuge taǧy bolmaidy. Öitkenı, bızdıŋ moinymyzǧa eldıŋ äl-auqaty men taǧdyryna bailanysty ülken jauapkerşılık jüktelgen» dedı Prezident söz basynda.
Alaida, äkımqaralardyŋ arasynda arqalaǧan jauapkerşılıgıne atüstı qaraityndar az emes siiaqty.
Memleket basşysynyŋ saityna kelıp tüsken hattardyŋ denı şeneunıkterdıŋ şaruany şeşuge kelgende sözbūidalyqqa, enjarlyqqa salynuyna qatysty jazylady eken.
Jeŋ ūşynan jalǧasatyn «komandalyq auysu» täjıribesın Prezident būl joly da qataŋ synǧa aldy. «Bızde ministr, äkım özgerse, artynşa sapyrylysqan auysular bastalady.
Düniejüzınde mūndai tärtıp joq» dedı ol.
Audan jäne qala äkımderınıŋ memlekettık organdarda jūmys ötılınıŋ boluyn, mansap jolynda satylap köterılu kerektıgın basa aitty. Sonymen qatar, ministrler men äkımder kadrlyq mäselelermen, ortalyqtan alynatyn qarjyny bölumen emes, salalyq saiasat pen öŋırdı damytu mäselelerımen ainalysuy kerektıgın tapsyrdy.
Bılım, densaulyq salalaryndaǧy qaǧazbastylyqtyŋ tym şekten şyǧyp bara jatqandyǧyna toqtaldy.
Mäselen, Bılım jäne ǧylym ministrlıgınıŋ bır departamentıne özge öŋırler esep-qisaptyŋ 300 türın ötkızedı eken. Al, mūǧalımder atalǧan qūjattardy daiyndauǧa bır jarym, ekı ai uaqyttaryn sarp etedı. Sala ministrı Baqytjan Jūmaǧūlov «Jiyrma jyldan berı qalyptasyp qalǧan qaǧazbastylyq qoi» degen uäjben oŋai qūtylǧysy kelgen. Alaida, Memleket basşysy: «Eger ūstaz uaqytynyŋ üşten bırın qaǧaz toltyruǧa jūmsaityn bolsa, onda balany kım oqytady? Qaǧazbastylyqtan arylyp, elektrondy ükımetke köşudı qolǧa alu qajet» degen naqty tapsyrma berdı.
Sondai-aq, kei öŋırlerdıŋ jergılıktı merekeler men mereitoilardy retsız atap ötıp, qarjyny ysyrap etetındıgın syn tezıne aldy.
Jiynda qalǧyp otyrǧan bırdı-ekılı äkım bolmasa, qatysuşylardyŋ denı Memleket basşysymen bolǧan būl kezdesuden aldaǧy uaqytta halyq igılıgı üşın atqaruǧa tiıs şarualarynyŋ baǧyt-baǧdaryn anyqtap şyqqandai boldy.
Şynar DOSAN
