Astanadaǧy Jaqsylyq Üşkempırov atyndaǧy Jekpe-jek saraiynda qazaq küresınen teatrlar arasynda «Teatr barysy» respublikalyq turnirı ötedı.
28 nauryz saǧat 16:00-de bolatyn turnirdıŋ basty maqsaty – elımızdıŋ teatrlarynda ūlttyq sportty damytyp, qazaq küresın keŋınen därıpteu, sondai-aq Qazaqstannyŋ teatr keŋıstıgındegı akterlerdıŋ öner men sporttaǧy şyǧarmaşylyq ärı ärıptestık bailanysyn nyǧaitu.
Jarysqa elımızdıŋ 17 oblysyndaǧy teatr jäne kino akterlerımen qosa jalpy esepte 48 akter qatysady. Joba avtory – Daryn memlekettık jastar syilyǧynyŋ, «Eren eŋbegı üşın» medalınıŋ iegerı, teatr jäne kino akterı, üş dürkın «Öner barysy», Muzykalyq jas körermen teatrynyŋ akterı Asylhan Tölepov.
