El tynysy

Aldaǧy jylytu mausymyna daiyndyq erekşe baqylauda



Astana qalasynyŋ äkımı Jeŋıs Qasymbek Instagram paraqşasynda aldaǧy jylytu mausymyna daiyndyq turaly aitty, dep habarlaidy astana-akshamy.kz

«Qalada ömır süru sapasy injenerlık jelılerdıŋ üzdıksız jūmysyna bailanysty. Qysta qaladaǧy nysandarǧa jylu baruy üşın 1 myŋ şaqyrymnan astam jylumen jabdyqtau jelısı bar.

Qazırdıŋ özınde energiia közderın jaŋa jylytu mausymyna daiyndau jūmysy bastaldy. Ortaşa eseptegende qalada jylytu mausymy şamamen 7 aiǧa sozylady. Jylytu mausymy aua raiynyŋ qūbyluyna qaramastan, jelıde jüktemesız ştattyq rejimde öttı.

Jyl saiyn äleumettık jäne tūrǧyn üilerden bastap jüzdegen nysandy jylu jelısıne jalǧaimyz. Ötken jylytu mausymynda qalamyz alǧaş ret jylu profisitımen şyǧa aldy. Mäselen, aldyŋǧy jylytu mausymynda jylu tapşylyǧy boldy, osyǧan bailanysty bırqatar jaŋa nysan jylumen jabdyqtau jelısıne qosyla alǧan joq.

Ötken küzde tırşılıktı qamtamasyz etu jüielerınıŋ bırqatar jaŋa nysany salynyp, paidalanuǧa berıldı: «Oŋtüstık-Şyǧys» gaz jylu stansiiasy, «Tūran» gaz jylu stansiiasynyŋ bırınşı kezeŋı. Sonymen qatar, JEO-3-tıŋ bırınşı kezeŋınıŋ qūrylysy aiaqtaldy, ol qūrylysy ūzaqqa sozylǧan nysannyŋ bırı boldy. Atalǧan nysannyŋ barlyǧy qalaǧa 1100 Gkal/saǧattan astam quat berdı.

Biyl «Tūran» GJS ekınşı kezeŋınıŋ qūrylysyn jalǧastyramyz. Būl qalaǧa qosymşa 250 Gkal/saǧ jylu kölemın beredı. Osylaişa «Gazmaşapparatura», «Jaǧalau», «Batyǧai» audandaryn jylumen qamtamasyz etedı jäne qoldanystaǧy jylumen jabdyqtau jüiesınıŋ jylu quatyn arttyrady.

Sonymen qatar, JEO-1-degı 8 qazandyq pen 2 turbinaǧa kezektı jöndeu, 2 qazandyq pen 1 turbinaǧa kürdelı jöndeu jürgızıp jatyrmyz. Sol siiaqty himiialyq, turbinalyq jäne elektr sehtaryndaǧy jabdyqtardy kezektı jöndeuden ötkızemız.

Al JEO-2-de 11 qazandyq pen 5 turbinaǧa kezektı jöndeu, 3 qazandyq pen 2 turbinaǧa kürdelı jöndeu jürgızemız, sondai-aq qosalqy jabdyqqa kezektı keŋeitılgen jöndeu jürgızemız.

JEO-3-te qūrylystyŋ ekınşı kezegı aiasynda kömır bölıgınıŋ qūrylysy jürıp jatyr. Ötken jyly būl stansiia (1-kezeŋ) qalaǧa 440 Gkal/saǧ jylu energiiasyn berdı.

Biyl «Astana-Teplotranzit» AQ jylumen jabdyqtau jelılerı boiynşa 0,9 km-ge kezektı jöndeu jäne 7,6 km jylumen jabdyqtau jelılerın rekonstruksiialau josparlanyp otyr.
Qalany aralau barysynda «Jūldyz» qosalqy stansiiasyna bardym. Onda qosymşa 55 myŋnan astam adam tūruy mümkın Myŋjyldyq alleiasy audanyn elektrmen qamtamasyz etetın qosalqy stansiiany qaita qūru jūmysy jürgızılıp jatyr.

«Astana-AEK» AQ 63,3 km elektrmen jabdyqtau jelılerın, 69 taratu jäne transformatorlyq qosalqy stansiialardy jöndeu jäne auystyru, 175,2 km jelılerge tehnikalyq qyzmet körsetu boiynşa jūmys oryndalatyn bolady. Aldaǧy jylytu mausymyna daiyndyq mäselesı erekşe baqylauda», – dep jazdy Jeŋıs Qasymbek.




Taǧyda

admin

«Astana aqşamy» gazetı

Ūqsas jaŋalyqtar

Back to top button