ÜI SALARǦA KÖRIKTI, RŪQSATTY KIM BERIPTI?
Nūrjanov Sabyrjan Bolatūly:
– Assalaumaǧalaikum, İmanǧali Nūrǧaliūly! Biz, «Şūbar» tūrǧyn alabynyŋ tūrǧyndary, birneşe jyldan beri üilerimizdi jöndei de, qaita sala da almai otyrmyz, öitkeni qala säuletşileri rūqsat bermeidi. Bizdiŋ audandy ysyryp tastau josparlanyp otyr ma, älde üi-jaiymyzdy eşkimge jaltaqtamai körkeite bereiik pe?
JAUAP:
– Sabyrjan Bolatūly, «Şūbar» tūrǧyn alaby jappai ysyrylyp tastalatyn qala beldemine jatady.
Eskisin būzyp tastap, ornyna jaŋa üi salu üşin onyŋ apatty jaǧdaida ekendigi resmi türde moiyndaluǧa tiis. Salynatyn jaŋa üidiŋ alaŋy būrynǧy qūrylystyŋ auqymynan asyp ketpeui eskeriledi.
Eski üidiŋ ornyna jaŋasyn salu turaly mäseleni qarau üşin siz M.Äuezov köşesinde ornalasqan Säulet jäne qala qūrylys basqarmasyna jolyǧuyŋyz kerek, qolyŋyzda mynadai qūjattar:
1. Üidi ielenu qūqyŋyzdy aiqyndaityn qūjattar (satu-satyp alu kelisimşarty, syiǧa tartu kelisimşarty, jekeşelendiru kelisimşarty, mūragerlik qūqyŋyz turaly kuälik jäne t.b.);
2. Jer telimin menşiktenuge arnalǧan akti – (tüpnūsqasy + notarialdy türde rastalǧan köşirmesi) ;
3. Üi saluǧa arnalǧan tehnikalyq pasport – (tüpnūsqasy + notarialdy türde rastalǧan köşirmesi);
4. Jyljymaityn mülik ielenu qūqyn memlekettik tirkeu jäne onymen mämile jasau turaly kuälik (menşik iesine qatysty mälimetter) – (tüpnūsqasy + notarialdy türde rastalǧan köşirmesi );
5. Jer teliminiŋ M 1: 500 topografiialyq syzbasy – (tüpnūsqasy);
6. Jeke bas kuäligi – (köşirmesi);
7. Jer teliminiŋ bas josparynyŋ foreskizi – (tüpnūsqasy);
8. Tūrǧyn üi jaǧdaiy turaly TJ basqarmasynyŋ anyqtamasy;
9. Aralas menşik ieleriniŋ kelisimi (notarialdy türde rastalǧan ) bolǧany jön.
BAS DİZAINERLIKTEN BAS TARTPAS EDIM
Jünisov Asqar Temirhanūly:
– Sälemetsiz be, İmanǧali Nūrǧaliūly, meniŋ mynadai sūraǧym bar: qalanyŋ bas dizaineri otstavkaǧa ketedi degendi estip edik, ornyna kim bolady? Men de dizainermin, bos oryndy ielenuge qatysar edim… Sondai-aq, qazir jarnamaşylar qaptap ketti, osy salaǧa monopoliia ornatyp, «solaqai paida tapqyştarǧa» tyiym salatyn uaqyt jetken joq pa? Jauabyŋyzǧa aldyn ala alǧys aitamyn.
JAUAP:
– Asqar Temirhanūly, juyrda bes jyldai Astana qalasynyŋ bas dizaineri bolǧan, elordanyŋ arhitekturalyq kelbeti jarqyn da qaitalanbastai ädipte boluy üşin talai tamaşa ideialar ūsynyp, eleuli ülesin qosqan Saǧyndyq Janbolatovty şeksiz rizaşylyq sezimmen şyǧarmaşylyq jūmysqa şyǧaryp saldyq. Biz onyŋ öz studiiasyndaǧy şyǧarmaşylyq jūmysqa oralyp, öziniŋ, sonyŋ işinde, Astana qalasyna arnalǧan jobalaryn jüzege asyrǧysy keletin nietine qūrmetpen qaradyq.
Astana qalasy bas dizaineri lauazymynyŋ bos tūrǧan ornyn ielenuge arnalǧan konkurs zaŋda belgilengen tärtippen jariialanady, oǧan tilek bildiruşilerdiŋ barlyǧy qatysa alady. Konkurs turaly aqparat merzimdi basylymdarda jäne Astana qalasy säulet jäne qala qūrylysy basqarmasynyŋ internet-portalynda jariialanady.
…MEZGILINDE KELMEIDI, MINGENDE BİLET BERMEIDI
Qaspaqova Aina Ablanqyzy:
– Bügin (15 nauryz küni) saǧat 11.50-de «Kongress-holl» aialdamasyna №112 marşrutka (Z514…) toqtamai ketti. 200-300 metrdei jerge baryp, jürisin baiaulatqan küii eki er adamdy tüsirdi, bireui qūlap qala jazdady. Sol kezde biz de jügirip jettik, biraq jürgizuşi esigin jauyp alyp, jönei berdi. Soŋǧy kezde №112 marşrutka jii keşigetin boldy, konduktordan sebebin sūrasaq, «ötpe jol jabylyp qalǧan» deidi, al salondaǧy jolauşylar avtobustyŋ «Artem» bazarynyŋ qasynda 15 minut tūryp, lyqa tolǧanşa adam jinap alǧanyn aitady. Aialdamalarǧa toqtamai ketetini de sondyqtan eken. Mūndai keleŋsizdikter kez kelgen avtobusta kezdesetin şyǧar, al №112 marşrutkaniki tipti şekten şyǧyp barady; konduktorlarynyŋ eşqaisysy bilet bermeidi…
JAUAP:
– Aina Ablanqyzy, qolda bar aqparattarǧa qaraǧanda, №112 marşrut boiynşa, jüris intervalyn 8-10 minuttan asyrmai, 18 avtobus qyzmet körsetedi. 15 nauryz küni siz aitqan uaqytta şynynda da ötpe jol jabyq bolyp, jürgizuşilerge qatysy joq kederginiŋ kesirinen interval ūlǧaiyp ketken. Äitse de, jolauşylar legi mol aialdama beketterinde qaŋtarylyp tūryp aludyŋ saldarynan jüris intervalynyŋ būzylu deregi ūşyrasqany ras, mūny jelilik qyzmet baqylauşylary baiqap qalǧan rette, tärtip būzǧan jürgizuşilerge äkimşilik jaza qoldanylady. Endi hatyŋyzda baiandalǧan derekke keletin bolsaq, ol tolyǧymen rastaldy. Soǧan bailanysty memlekettik nömiri Z 514 TOM avtobusymen №112 marşrutta jüretin S.D.Hairolla jūmystan alastatyldy. 21 nauryzda bolatyn kollegiialyq keŋeste «Jorǧa» JŞS avtobus parkiniŋ direk-siiasy onyŋ avtoparktegi jūmys ötilin eskere otyryp, äkimşilik jazalau şarasy turaly şeşim qabyldaidy.
Keleşekte, konduktorlar jol jüru biletin bermegen jaǧdaida, myna telefonǧa habarlaŋyz: 556 745.
EMHANADA ŞIRETTIŊ ŞETI MENEN ŞEGI JOQ
Ozimina Marhabo Salihovna:
– Sälemetsiz be, qūrmetti äkim! 13-inşi magistraldaǧy emhananyŋ qūrylysy 2010-2011 jyly aiaqtaluǧa tiis edi. Mine, 2012 jyl da bastaldy… 2010 jyly Halyqtyq jäne dästürli emes medisina ortalyǧyna qaralǧan auqymdy alap tūrǧyndary äueli Temirjolşylar emhanasyna tirkelgen-tūǧyn, endi bizdi №6 emhanaǧa aparyp toǧytty. Äkimdiktiŋ densaulyq saqtau isine jauapty qyzmetkeri aldyn ala habarlamai osy mekemege kelip, ūzynnan şūbaq şiretke tūryp, därigerge qaraluǧa, em-dom aluǧa, t.b. tyrysyp körse, taŋǧy 8.00-den keşke deiin mūnda qandai bylyq bolatynyn körer edi. Sirek mamandar men terapevt-därigerlerge kiru üşin aldyn ala tirkeletin jurnaldy paraqtap şyqsa, ömirden tüŋilip keter edi… Aqyly medortalyqtarǧa baruǧa aqşa qaida?
JAUAP:
– Marhabo Salihovna, biz qaladaǧy emhanalar jūmysynyŋ tūraqty mo-nitoringin jürgizip kelemiz, sizge aitaiyn degenim, №6 emhana 45000 tūrǧynǧa qyzmet körsetuge eseptelgen, biraq qazirgi kezde oǧan 105006 adam tirkelgen. Osylaişa, josparly mümkindigi bir auysymda 193 kelginşini ǧana qabyldauǧa jetetin emhana künine būdan 2,6 ese köp nauqasqa qyzmet körsetedi; būl kezek kütuşilerdiŋ tym köbeiip, medisina-lyq qyzmet sapasynyŋ tömendep ketuine äkelip soqtyrady. Äitse de, 2012 jyldyŋ 3-toqsanynda «Oŋtüstik-Şyǧys» şaǧyn audanyndaǧy, oŋ qapta-lyndaǧy, bir auysymda 500 adam qabyldai alatyn ambulatoriialyq-em-hanalyq keşendi paidalanuǧa beru josparlanǧan. būl osy mäseleniŋ tüiinin tarqatyp, jügin jeŋildetuge birşama septeseri anyq.
JASTYQ ŞAQTY ÄLI DE ŪZARTUǦA BOLA MA?
Ǧaliaqbarova Almagül Äkimjanqyzy:
– Sälemetsiz be! Sūraiyn degenim: jas otbasylaryn tūrǧyn üimen qamtu baǧdarlamasynda jas şamasyn şekteu nege 29 jastan aspai qalǧan? Men eki balanyŋ anasymyn, üşinşisin kütip jürmiz, küieuimiz ekeumizdiŋ jasymyz 29-da, päter jaldap tūramyz. Biraq, tūrǧyn üi baǧdarlamasy boiynşa qūjat tapsyra almaimyz… Jas şamasyn şekteudi, eŋ bolmasa, 32 jasqa deiin ūlǧaituǧa bolmai ma? Öitkeni, qazirgi jastar keş üilenedi ǧoi…
JAUAP:
– Almagül Äkimjanqyzy, Memlekettik tūrǧyn üi qūrylysy baǧdarlamasyn äzirleu barysynda «Jas otbasy» sanaty üşin negizgi ölşemderdi belgileuge «Qazaqstan Respublikasyndaǧy memlekettik jastar saiasaty turaly» zaŋdaǧy normalar negizge alyndy. Atap aitqanda, osy zaŋnyŋ «Jalpy erejeler» tarauynyŋ 1-babynda negizgi ataularǧa mynadai tüsinikteme berilgen:
«1) jastar – on törtten jiyrma toǧyz jasqa deiingi Qazaqstan Respublikasynyŋ azamattary;
2) jas otbasy – erli-zaiyptylary jiyrma toǧyz jasqa jetpegen otbasy, nemese balalardy (balany) jiyrma toǧyz jasqa tolmaǧan, sonyŋ işinde ajyrasqan, jesir qalǧan ata-analardyŋ biri tärbielep jatqan tolyq emes otbasy».
Sonymen, jastardyŋ jas şamasyna qoiylatyn şekti ūlǧaitu üşin atalǧan zaŋǧa tüzetu engizu qajet. Ony QR Ükimeti men Parlamenti engize alady.
SON, SAǦAN DÖKIR MINEZ JARASPAIDY
Tau:
– Qūrmetti qala äkimi! Mirzoian köşesinde («Euraziia» maŋynda) ornalasqan SON-daǧylar öte döreki minez körsetedi. Öŋkei sauatsyz qyzmetkerlerdi otyrǧyzyp qoiǧan, tük bilmeidi, tek betten ala ketedi. Eger qyzmet körsetu sapasyn jaqsarta almasaq, biz qalai ekonomikany damytamyz? Osy jöninde şara qoldanuyŋyzdy sūraimyn.
JAUAP:
– Halyqqa qyzmet körsetu ortalyqtary QR Kölik jäne kommunikasiialar ministrligine baǧynady. Osyǧan orai hatyŋyzdy osy mekemege joldadyq. Biraq HQO-larda ärtürli memlekettik organdar qyzmet körsetetinin aituǧa tiispin, mine, sondyqtan pärmendi şaralar qoldanu üşin, qyzmet etikasyn būzǧan naqty atqaruşynyŋ aty-jönin, oqiǧa bolǧan kündi jäne öziŋizge qyzmet körsetken «terezeniŋ» nömirin atap körsetuiŋiz qajet.Mūndai aqparat tūrǧyn halyqqa memlekettik qyzmet körsetu sapasyn arttyru jöninde tiimdirek şaralardy qolǧa aluǧa mümkindik berer edi.
Astana qalasy äkimdiginiŋ www.astana.kz saitynan äzirlendi
