Sport
ALǦAŞQY FİNAL ALǦA JETELEDI
Japoniiada ötken halyqaralyq «Japan Women’s Open Tennis» jarysynyŋ aqtyq synynda jerlesımız Zarina Diias avstraliialyq Samanta Stosurǧa ese jıbergenmen, WTA (Halyqaralyq äielder tennisı qauymdastyǧy) reitingınde 37-orynnan 34-orynǧa köterıldı. Būl – Qazaqstan tennisı tarihyndaǧy ülken jaŋalyq ärı tennisşı qyzymyzdyŋ ırı turnirlerdegı alǧaşqy finaly.
Finalda ol älemnıŋ 18-raketkasy, täjıribelı tennisşı Samanta Stosurǧa ekı settıŋ qorytyndysy boiynşa 7:6, 6:3 esebımen jol berdı. Finalǧa şyqqan tennisşı retınde Zarinanyŋ enşısıne WTA reitingınde 180 ūpai qosylyp, soǧan orai, bır-aq sätte 37-orynnan 34-orynǧa deiın köterıldı.
Qazaqstandyq 20 jasar qyzdyŋ alda älı qandai resmi jarystarǧa qatysatyny äzırge belgısız. Bır anyǧy, ol Singapurde ötetın jyldyŋ qorytyndy turnirınde körsetılım matchyna qatysady. Bıraq būl turnirde reitingtık ūpai berılmeidı.
Diiastan bölek, taǧy bır qazaqstandyq tennisşı Iаroslava Şvedova 67-orynnan 68-orynǧa qūldilasa, Iýliia Putinseva 12 saty alǧa jyljyp, 110-orynǧa tūraqtady.