Älemdık jäne dästürlı dınder liderlerınıŋ IV sezıne qatysuşylarynyŋ aldy Astanaǧa keldı. Qūrmettı qonaqtardyŋ bırı – amerikalyq delegasiianyŋ müşesı, pravoslav ökılı, Amerikalyq hristiandyq şırkeulerı odaǧynyŋ prezidentı Leonid Kişkovskii Qazaqstan Respublikasy Prezidentınıŋ janyndaǧy Memlekettık basqaru akademiiasynda bolyp, professorlyq-oqytuşylyq qūramy men jäne doktoranttarmen kezdestı.
Ol «Amerikadaǧy jäne Qazaqstandaǧy dınaralyq ünqatysuǧa salystyrmaly taldau» taqyrybynda därıs oqydy. Dınaralyq, mädeniet aralyq örkeniettı ünqatysudy qalyptastyrudyŋ älemdık täjıribelerıne toqtalyp, dünie jüzınde bolyp jatqan ürdısterge öz baǧasyn berdı.
«Men ekınşı märte Astanadaǧy sezge qatysyp otyrmyn. Dınaralyq bailanystar mäselesı söz bolyp, osy sūraqtyŋ şeşımın bırlese ızdegenımız menı quantady. Būl köptegen jiyndardyŋ özektı taqyrybyna ainaldy. Būl bızdı bırlesken äreketterımızge daiyndaidy. Aldaǧy uaqyttarda ärqaisymyz öz senımımızdıŋ tūǧyrtasynda tūryp, älem bolaşaǧy üşın äreketımızdı bırıktırude osyndai basqosulardyŋ artyqşylyǧy köp. Astana men üşın böten qala emes. Menıŋ otbasym keŋester kezeŋınde ekı aiyrylyp jartysy batysqa, jartysy şyǧysqa jer audarylǧan bolatyn. Qazaq jerınde tūraqtap qalǧan tuystarymmen bailanysymdy üzgen emespın», -dedı Leonid Kişkovskii.
Aigül UAISOVA
