Basty aqparat

ANA TILDIŊ AIBYNYN TANYTTY

Astanada dästürlı türde ötetın Qazaqstan halqy tılderınıŋ XIV qalalyq festivalı beisenbı künı märesıne jettı. Bır ai boiy memlekettık tıldıŋ şaşbauyn köterıp, ūlttyq ruhty serpıltken festival aiasynda 300-den astam şara ūiymdastyrylyp, onyŋ 70-ke juyǧy ūlt qairatkerı Ahmet Baitūrsynūlynyŋ 140 jyldyǧyna arnalypty.

22 tamyz künı «Tıl – asa qadırlep ūstaityn bailyǧymyz!» degen atpen saltanatty türde aşylǧan festival şeŋberınde «Jürektıŋ sözın söile, tıl!» atpen Abai oqulary, «Qazaqşa söileimız, oinaimyz!» balalar merekesı, «Üzdık jeksenbılık mektep», «Memlekettık tıl – memlekettık qyzmette» baiqaulary, ädebi-muzykalyq «Öleŋge ärkımnıŋ-aq bar talasy» , «Taǧdyrym – tılımde, syrym – küiımde!» syndy qazaq tılınıŋ mereiın asyrǧan köptegen keşter ūiymdastyryldy. Künı keşe Euraziia ūlttyq universitetınde belgılı ǧalymdardyŋ basyn qosyp, kelelı äŋgımege arqau bolǧan «Ahmet Baitūrsynūly: qairatker amanaty jäne ūlt mūraty» taqyrybyndaǧy ǧylymi-teoriialyq konferensiia da festival aiasyndaǧy ırı şaralardyŋ bırı. Būdan bölek, elordanyŋ tükpır-tükpırınde qazaq tılınıŋ qoldanylu aiasyn keŋeituge baǧyttalǧan döŋgelek üstel jiyndary, alqaly basqosular, pıkır almasular ötken.

Qalalyq Tılderdı damytu basqarmasy ökılderı festivalge balabaqşadan bastap, mektepter, joǧary oqu oryndary, memlekettık mekemeler men ūiymdar, qoǧamdyq bırlestıkter belsene qatysqanyn aitady. Olar, äsırese, Almaty audany äkımdıgınıŋ eŋbegın airyqşa atap otyr.

Oquşylar saraiynda ötken festivaldıŋ jabylu räsımınde elımızge eŋbek sıŋırgen qairatker Äbiırbek  Tınäliev, respublikalyq baiqaulardyŋ laureattary Perizat Tūrarova, Qūrmaş Ybyşevtar ännen şaşu şaşsa, Q.Quanyşbaev atyndaǧy qazaq akademiialyq muzykalyq drama teatrynyŋ ärtısterı Ahmet Baitūrsynūlynyŋ qairatkerlık qyrynan syr şertetın körınıs qoidy. Jūrtşylyq aldynda «Memlekettık tıl – memlekettık qyzmette» baiqauynyŋ jeŋımpazy – Astana qalalyq soty qyzmetkerlerı de öner körsettı.

Jyl saiyn qyrküiek aiynyŋ üşınşı jeksenbısınde atalyp ötetın Qazaqstan halqy tılderınıŋ künıne orailastyrylǧan XIV qalalyq festivalın qorytyndylaǧan ūiymdastyruşylar auqymdy şaraǧa belsene qatysqan mekeme basşylaryn alǧys hatpen marapattady.

Tıl festivalınıŋ jabylu räsımıne jinalǧan jūrtşylyqtyŋ arasynda jastardyŋ qarasy köp boldy.Tıptı balabaqşa jasyndaǧy baldyrǧandardy da közımız şaldy. Mūndai şaralardyŋ adamnyŋ sana-sezımın serpıltıp, ūlttyq ruhyn oiatuǧa kömegı köp ekendıgın eskersek, oǧan jastardyŋ köptep keluı qūptarlyq ıs. Öskeleŋ ūrpaqtyŋ sanasyna jastaiynan «sen – qazaqsyŋ, senıŋ ana tılıŋ – qazaq tılı» degen ūǧymdy sıŋıre bılsek, keleşekte ūltjandy azamattardyŋ tärbielenıp şyǧuyna üles qosarymyz anyq.

Qymbat NŪRǦALİ

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button