Elorda tynysy

Analarǧa qandai äleumettık qoldau körsetıledı?

Elordada 28 267 otbasy järdemaqy alady. Būl turaly qalalyq kommunikasiialar alaŋynda ötken baspasöz mäslihaty barysynda Eŋbek jäne äleumettık qorǧau komitetınıŋ Astana qalasy boiynşa departamentı basşysynyŋ orynbasary Dämejan Säduaqasova mälımdedı.

Memleket basşysy ötken jylǧy Joldauynda bala kütımıne bailanysty ai saiynǧy järdemaqyny bır jarym jasqa deiın ūzartudy tapsyrǧan bolatyn. 2023 jylǧy 1 qaŋtarǧa deiın bır jasqa tolmaǧan barlyq bala üşın tölem avtomatty türde jarty jylǧa ūzartylǧanyn, al 1 qaŋtardan keiın tuǧan balaǧa bırden 1,5 jylǧa taǧaiyndalǧanyn aita kele, departament basşysynyŋ orynbasary jaŋa jyldan bastap būl järdemaqynyŋ mölşerı de ūlǧaiǧanyn jetkızdı.

– 2023 jyly bırınşı balaǧa tölenetın äleumettık järdemaqy kölemı 5,76 AEK – 19872 teŋgenı, ekınşı balaǧa 6,81 AEK – 23495  teŋgenı, üşınşı balaǧa 7,85 AEK – 27083 teŋgenı, törtınşı jäne odan köp balaǧa 8,90 AEK – 30705 teŋgenı qūrady. 18 jasqa deiıngı mügedek balany tärbielep otyr­ǧan anaǧa nemese äkege, bala asyrap aluşyǧa, qamqorşyǧa (qorǧanşyǧa) tölenetın ai saiynǧy memlekettık järdemaqy 56794 teŋge mölşerınde, iaǧni eŋ tömengı künkörıs deŋgeiınıŋ 1,4 mölşerınde. Būl järdemaqy qala boiynşa 8 myŋnan astam otbasyǧa ai saiyn tölenıp otyr, – dedı ­D.Säduaqasova.

2023 jyly bırınşı balaǧa tölenetın äleumettık järdemaqy kölemı 5,76 AEK – 19872 teŋgenı, ekınşı balaǧa 6,81 AEK – 23495  teŋgenı, üşınşı balaǧa 7,85 AEK – 27083 teŋgenı, törtınşı jäne odan köp balaǧa 8,90 AEK – 30705 teŋgenı qūrady. 18 jasqa deiıngı mügedek balany tärbielep otyrǧan anaǧa nemese äkege, bala asyrap aluşyǧa, qamqorşyǧa (qorǧanşyǧa) tölenetın ai saiynǧy memlekettık järdemaqy 56794 teŋge mölşerınde, iaǧni eŋ tömengı künkörıs deŋgeiınıŋ 1,4 mölşerınde. Būl järdemaqy qala boiynşa 8 myŋnan astam otbasyǧa ai saiyn tölenıp otyr

«Altyn alqa», «Kümıs alqa» tösbelgılerımen marapattalǧan nemese būryn «Batyr ana» ataǧyn alǧan, I jäne II därejelı «Ana daŋqy» ordenderımen marapattalǧan köpbalaly analarǧa tabysyna qaramastan tölenetın ai saiynǧy memlekettık järdemaqy mölşerı qazırgı uaqytta 22080 teŋgenı qūraidy. Qala boiynşa 6000 ana köpbalaly ana retınde järdemaqy alady.

– Kämeletke tolmaǧan nemese 18-23 jas aralyǧynda kündızgı bölımde oqityn tört jäne odan köp balasy bar köpbalaly otbasylarǧa järdemaqy taǧaiyndalady. Qazırgı taŋda 28267 astanalyq otbasy osy järdemaqymen qamtylǧan. Jūmys ısteitın äielderge bala kütımıne bailanysty berıletın ai saiynǧy järdemaqy Memlekettık äleumettık saqtandyru qorynan äleu­mettık tölem retınde tölenedı. Būl tölemnıŋ mölşerı bala tuǧanǧa deiıngı 24 aidyŋ ortaşa tabys mölşerınıŋ bölıgı retınde esepteledı jäne bala bır jarym jasqa tolǧanşa tölenedı, – dedı D.Säduaqasova.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button