Elımızde äleumettık jelınıŋ äleuetı artyp keledı. Künı keşe Parlamentte qaralǧan Qylmystyq jäne Qylmystyq ıs jürgızu kodeksterınde būl mäsele şet qalmaǧan. Iаǧni, äleumettık jelıde bıreudı ǧaibattaǧandarǧa 500 ailyq eseptık körsetkış kölemınde aiyppūl salu qarastyrylǧan. Sızdıŋ oiyŋyzşa, arnauly saraptama negızınde jüzege asatyn būl şara qanşalyqty tiımdı bolmaq?
ÄDIL AGİTAEV, S.ǦYLMANİ MEŞITINIŊ NAIB İMAMY:
– Äleumettık jelıde bıreudı ǧaibattaǧandarǧa 500 ailyq eseptık körsetkış kölemınde aiyppūl salu qarastyryluda eken. İslam dınınde de ǧaibat turaly köp aitylady. Onyŋ jamandyǧy jaily Qūran kärımnıŋ «Äi, iman keltırgender! Köptegen oilardan aulaq bolyŋdar, öitkenı, keibır oilar künä bolyp tabylady. Bır-bırıŋdı aŋdymaŋdar, ärı arqalaryŋda bır-bırıŋe ǧiba jasamaŋdar» degen aiaty bar. Paiǧambar hadisterınıŋ bırınde de: «Ei, tılımen iman etıp, jüregımen senbegender, mūsylmandardy syrtynan ösektemeŋder jäne olardyŋ kemşılıgın ızdemeŋder. Kım de kım mūsylman bauyrynyŋ aiybyn aşpaq bolsa, Alla onyŋ özınıŋ aiybyn aşady. Alla Taǧala kımnıŋ aiybyn aşar bolsa, ol kısını üiınde otyryp-aq abyroiynan aiyrady» degen. Ondai adam aqyrette de jazasyz qalmaidy.
JANAR ÄDILHANQYZY, STUDENT:
– Soŋǧy derekterge süiensek, elımızde 5,6 million adam äleumettık jelılerdı kündelıktı paidalanady eken. Eŋ tanymal äleumettık jelılerdıŋ qataryna «Moi mir», «Odnoklassniki», «V kontakte» jäne «Facebook» -tı jatqyzuǧa bolady. Al, 350 myŋnan astam adam ūialy telefonmen «mail.ru agent»-tı tūtynady. Osy rette aita ketken jön, psiholog mamandar äleumettık jelınıŋ älegı ötırık söileuden bastalady deidı. Ärbır ekınşı adam özı jaiynda ötırık mälımet jazyp, esımı men jasyn, otbasylyq jaǧdaiyn, tür-älpetın, bılımı men jūmysyna qatysty jalǧan aqpar beredı. Äleumettık jelıde bıreudı ǧaibattaǧandarǧa ǧana emes, özı turaly ötırık aqparat bergenderdı de jazalasa degen ūsynysym bar.
NŪRJAN PIRMAǦANBET, ZAŊGER:
– Menıŋ oiymşa, būl – öte dūrys bastama. Ärı būl rette eşkımnıŋ qūqyna qol sūǧylmaidy. Kerısınşe, azamattardyŋ bır-bırınıŋ ar-ojdanyna, kısılık bedelıne degen qūrmetın qalyptastyratyn bolady. Jūrt oilaǧandai zaŋ jüzındegı mūndai şekteu jappai mındet emes, adamdardyŋ ıs-äreketterın retteu üşın ǧana qoldanylady emes pe?! Būl äleumettık jelıde otyratyndarǧa ǧana emes, qoǧamnyŋ barlyq müşesıne qatysty mäsele ekenın ūmytpaǧan jön.
