Äzımbai ǦALİ, saiasattanuşy:
«Jalpy, menıŋ oiymşa, ūltqa bölınudı qoiu kerek-au deimın. Eŋ maŋyzdysy – ülken qazaq ūltyn jasau kerek. Bar küş soǧan arnalǧany dūrys. Mäselen, soŋǧy on jylda ūiǧyr ūlty 26 paiyzǧa ösuı kerek edı. Bıraq, olar bar-joǧy 7 paiyzǧa östı. Qalǧany qaida kettı deisız ǧoi, sebebı, olar qazaq bolyp jazylyp jatyr. Özderın qazaq retınde sezıne bastady. Sol sekıldı özbekter arasynda da sondai ürdıs bastaluda. Mūndai jaǧdaiǧa jetu üşın mektepterdı orys-qazaq-özbek dep bölmei, bıregei mektep jasau qajet. Baǧyt-baǧdar qazaqşa boluy şart. Sonda bız «Ülken qazaq» deitın jaŋa ūrpaq daiarlai alamyz. Sonda ūlt ışındegı bäseke meritokratiia prinsipımen, iaǧni, tegıne qarai emes, talantyna qarai jalǧasady».
(«Aiqyn» gazetı)
