Mäjılıstıŋ jalpy otyrysynda deputattar «Qazaqstan Respublikasynyŋ memlekettık rämızderı turaly» Zaŋyna özgerıster men tolyqtyrular engızetın Zaŋ jobasyn maqūldady.
Zaŋǧa memlekettık rämızderdı qorlaǧandar üşın şarany qataŋdatu, sportşylardyŋ memlekettık Änūrannyŋ änı men mätının mındettı türde bıluı kerektıgı jaiynda özgerıster engızıldı.
SIZ ÄNŪRAN MÄTININ JATQA BILESIZ BE?
Däuren JŪMAǦAZİEV,
erkın küresten London olimpiadasyna qatysuşy:
– Ärine, bılemın. Ony bılmeu mümkın be? Änūran mätının jattau är sportşy üşın maŋyzdy boluy şart. Menıŋşe, Qazaqstannyŋ olimpiadalyq qūramasynyŋ müşesı bola tūra, Änūrandy bılmeu degen öte ūiat. Tıptı, olimpiadaǧa barsyn, barmasyn, bärıbır bıluı tiıs. Keibıreuler «Būǧan deiıngı Änūranymyzdyŋ mätını auyr edı», – dep aityp jatady. Bıraq, öz basym ony da jatqa aitatynmyn. Bala künımızden mektepte jattap östık emes pe.
Soŋǧy kezderı Änūran mätının sportşylardyŋ bıluı kerektıgı ülken mäsele bop köterılıp jür. Dūrys. Öitkenı, alda London Olimpiadasy, sportşylarymyzdyŋ kök bairaqty jelbıreter künı kele jatyr. Osy tarihi künderdı abyroimen ötkeruımız kerek.
İrak ELEKEEV,
qoǧam qairatkerı, «Habar» arnasyndaǧy «Közqaras» baǧdarlamasynyŋ jürgızuşısı:
– Bılemın. Baiaǧydan berı qūlaǧymyzda jattalyp qalǧan än ǧoi. Änūrandy ärbır qazaqstandyqtyŋ bılu kerektıgı Ata Zaŋymyzda jazylǧan. Qazır osy taqyryp töŋıregınde baǧdarlama daiyndap jatyrmyn. Esterıŋızde bolsa, kezınde Parlamentte Änūrandy auystyru turaly mäselenı kötergenderdıŋ bırı men edım. Sol kezde taŋdau ekı änge tüstı. Bırınşısı Elbasy Nūrsūltan Nazarbaevtyŋ sözıne jazylǧan Bekbolat Tıleuhannyŋ «Elım menıŋ» änı bolsa, ekınşısı Şämşı Qaldaiaqovtyŋ «Menıŋ Qazaqstanym» änı edı. Taldai kele ekı ännıŋ soŋǧysyn bırauyzdan qoldadyq. Qai jaǧynan alyp qarasaŋyz da – Änūran boluǧa laiyqty än – būl. Sözı jattauǧa jeŋıl, äuenı deneŋdı dır etkızetındei qūdırettı.
Būǧan deiıngı Änūranymyzdyŋ mazmūny tereŋ boldy. Jattauǧa auyr tiıp jatatyn. Sondyqtan, jaŋa Änūrandy taŋdau dūrys jasaldy dep oilaimyn. Änūrandy bılmeitınder jattasyn! Öitkenı, jattauǧa tiıs!
