«Aiqyn» respublikalyq qoǧamdyq gazetınde jariialanǧan jurnalistık zertteu maqalasyna süiensek, tūrǧyndardan kelıp tüsetın saualdarǧa jedel jauap beretın äkımder tızımınınıŋ köşbasynda Astana qalasy äkımı İmanǧali Tasmaǧambetov tūr.
Bas qalanyŋ basşysyna, negızınen, baspana, balabaqşadan oryn alu mäselelerıne qatysty saualdar jiı joldanady eken.
Al, Almaty qalasynyŋ äkımı Ahmetjan Esımovtıŋ virtualdy qabyldauyndaǧy jazbalarǧa qarap, onyŋ tūrǧyndar mäselesın köbınese tiıstı oryndarǧa syrǧyta salumen qūtylatynyn baiqauǧa bolatyn körınedı.
Aqmola oblysy äkımınıŋ blogyna kelgen sūraqtardyŋ basym bölıgı tūrǧyn üi-kommunaldyq şaruaşylyq, baspana, üleskerler mäselelesı töŋıregınde eken. Bloktaǧy ekı myŋǧa tarta saualdyŋ jeteuı ǧana tıl mäselesıne qatysty bolyp şyǧypty.
Aqtöbe oblysynyŋ halqyn jol mäselesı qatty alaŋdatatynǧa ūqsaidy. Oblys basşysy Arhimed Mūhambetov bırde-bır sūraqty jauapsyz qaldyrmapty.
Esesıne, Atyrau oblysynyŋ saity jaŋa äkım Baqtyqoja Izmūhambetovtıŋ ai basynan berı blogqa bas sūqpaǧanyn körsetıp tūr.
Pavlodar oblysy äkımınıŋ blogynda da sūraq köp, jauap joq.
Şyǧys Qazaqstan, Soltüstık Qazaqstan oblystarynyŋ saittary arqyly saual joldamaq bylai tūrsyn, oǧan kırudıŋ özı qoljetımsız körınedı.
Jambyl jäne Oŋtüstık Qazaqstan oblysy äkımderınıŋ blogyna bas sūǧu jeŋıl ärı qarapaiym. Äkımderdıŋ jauaptary da qysqa ärı naqtylyǧymen erekşelenedı eken.
