Nauryz meiramy künderı astanalyqtar jäne qala qonaqtary keremet keştıŋ kuäsı boldy. Astana qalasyndaǧy «Mäŋgılık» bi ansamblı men Olga men Mihail Lahtin horeografiialyq mektep-studiiasynyŋ gala-konsertı Erkeǧali Rahmadiev atyndaǧy memlekettık akademiialyq filarmoniianyŋ sahnasynda ötkızıldı. Sonymen bırge, konsertke Soltüstık Qazaqstan oblystyq filarmoniiasynyŋ solisterı jäne aspapşylary qatysty.
Aqan serı atyndaǧy Soltüstık Qazaqstan oblystyq filarmoniiasy jäne aq qaiyŋdar ölkesı Soltüstık Qazaqstan öŋırınıŋ tūrǧyndary atynan joldanǧan būl tamaşa konserttık baǧdarlama elordalyqtardy tamaşa köktem merekesı – Nauryz meiramymen şyn jürekten qūttyqtady.
Konsertte «Batyrlar ızımen» horeografiialyq aŋyz körsetılıp, qazaqtyŋ ūlttyq bilerı «Qamajai», «Qara jorǧa» sahnada saltanat qūrdy, Şämşınıŋ änderı şyrqalyp, Ükılı Ybyraidyŋ «Gäkkuı» oryndalyp, orystyŋ halyqtyq bilerı körermenge ūsynyldy. Qazaqtyŋ halyq änderımen qosa elımızdı mekendegen özge ūlttardyŋ ūlttyq bilerı men änderı Nauryz toiynyŋ körıgın qyzdyra tüstı.
