Jaŋalyqtar

Aqparat aǧyny

Jaŋa basşyny tanystyrdy

Qazaqstan Respublikasy Memlekettık qyz­met­ ısterı jönındegı agenttıgınıŋ töraǧasy A.Bai­­menovtyŋ 2013 jylǧy 19 nauryzdaǧy būi­­ryǧymen Astana qalasy boiynşa bas­­qar­­ma bastyǧy – Tärtıptık keŋes töraǧasy bo­­lyp Ermaǧanbet Qabdulaūly Bölekpaev taǧaiyndaldy.

Qazaqstan Respublikasy Memlekettık qyzmet ısterı jönındegı agenttıgı töraǧasynyŋ orynbasary Äli Kömekbaev Astana qalasy Tärtıptık keŋes müşelerıne, Astana qalasy audandarynyŋ äkımderıne jäne basqarma ūjymyna jaŋa basşyny tanystyrdy.

E.Bölekpaev būl qyzmetke taǧaiyndalǧanǧa deiın Qazaqstan Respublikasy Memlekettık qyzmet ısterı jönındegı agenttıgınıŋ Oŋtüstık Qazaqstan oblysy boiynşa basqarma bastyǧy-Tärtıptık keŋes töraǧasy qyzmetın atqarǧan.

Tazşa balanyŋ tamaşasy

Qazaq Ūlttyq öner universitetınıŋ Jambyl atyndaǧy konsert zalynda «Armysyŋ, äz Nauryz!» atty teatrlandyrylǧan qoiylym körsetıldı.  

Universitet qūramyndaǧy Ūlttyq dästürler teatrynyŋ ärtısterı būl künı halyq folkloryndaǧy keiıpkerlerdı, atap aitqanda, Qyzyr Ata, Aldar köse, Qojanasyr, Tazşa bala, Şyqbermes Şyǧaibai, Dämetken, Bızbike beinelerın sahnalady. Astarly qaljyŋnyŋ atasy Aldardyŋ rölın ärtıs Janqaldybek Tölenbaev somdasa, Qojanasyrdy Aqyş Omarov oinady. Teatr ärtısı Janar Şoqpanova Tazşa bala keipınde, quaqylana jürıp, kökeiındegısın aitty. Konserttık qoiylymnyŋ rejisserı – Qazaqstan Respublikasynyŋ Eŋbek sıŋırgen qairatkerı Säulebek Asylhanūly. Öleŋderın jazǧan – aqyn, Memlekettık syilyqtyŋ laureaty Nesıpbek Aitūly. Suretşısı – Ardaq Torǧabylov.

Qoiylym soŋynda jinalǧan köpşılık Ūlttyq dästürler teatrynyŋ ärtısterıne qoşemet körsetıp, Nauryz köjeden däm tatty.

«Ertöstık pen Aidahar» – 3D formatynda

Bügınnen bastap elımızdıŋ barlyq ki­no­teatrlarynan Şäken Aimanov atyndaǧy «Qazaqfilm» kino­­studiiasynyŋ tuyndysy, rejisserler Jäken Dänenov pen Rustam Tūraliev tüsırgen tolyqmetrajdy «Er Töstık jäne Aidahar» animasiialyq filmı körsetıle bastaidy. Otandyq multfilmnıŋ ülken bır erekşelıgı – 3D formatyna laiyqtalyp tüsırılgendıgı. 

Qazaq folklor keiıpkerlerın 3D formatyna salyp, animasiialyq tuyndyny düniege äkelgen top – elımızdıŋ eŋ üzdık kompiuterlık grafika mamandary men animatorlary. Filmdı tüsırude «motion capture» zamanaui tehnologiiasy (akterlerdıŋ qimyl-äreketın animasiiaǧa ainaldyru) qoldanylǧan. Filmdı jasauǧa üş jyldai uaqyt ketıptı. Sonymen qatar, keiıpkerlerdı qazaqstandyq akterler dybystaǧan. Olardyŋ qatarynda: Lidiia Qaden, Dimaş Äkımov, Qadyrbek Demesınov, Künsūlu Şaiahmetova, Aqkenje Älımjan, İlia Şilkin, Liia Nelskaia, Nina Jmereneskaia, Evgenii Jumanov, Filipp Voloşin jäne taǧy da basqalar bar.

– «Er Töstık jäne Aidahar» animasiialyq filmın ülken ekrandardan köruge şaqyramyn. Otandyq multiplikasiiany qoldaŋyzdar! Bar küşımızdı saldyq, köŋılderıŋızden şyǧamyz dep oilaimyn,– deidı filmnıŋ rejisserı Rustam Tūraliev.

Sondai-aq bolaşaqta multfilmnıŋ nyşan belgısı bar kündelık, däpter, albom, türlı-tüstı qaǧaz, qaryndaş, ermeksaz, akvarel, flomaster siiaqty oqu-qūral önımderı şyǧarylmaqşy. Olardyŋ alǧaşqy ülgılerı jūrtşylyqqa körsetıldı.

«Kök türkılerdıŋ» konsertı

«Astana-energiia» mekemesınıŋ ūjymy Ūlystyŋ ūly künın toilady. Qaladan şalǧai ornalasqan JES-2 aumaǧynda qaz-qatar kiız üiler tıgılıp, nauryz köje pısırıldı.

Künı-tünı tynymsyz eŋbek etetın me­keme ūjymy üşın būl erekşe kün. Ūly meiram qarsaŋynda astanalyq  «Kök türkıler» folklorlyq an­sam­­b­­lı­­ jūmysşylarǧa arnap me­re­­kelık baǧ­­­darlamasyn ūsyndy. Önerpazdar däs­­­­türlı halyq änderın äueletıp, dom­­­­­byramen küi şerttı. Mekeme qyz­­met­­kerlerıne aq dastarqan jaiylyp, nauryz naqyştary körsetıldı.

Sübelı söz

Talǧat BAIKENOV, «Qobyz» konsert zalynyŋ direktory:

– Astanany jylumen qamtamasyz etıp­ otyrǧan mekemede Nauryz toiy bas­­taldy. Öndırıstık mekememen ty­ǧyz ärıptestık bailanys ornatyp, «Kök­­ türkıler»  folklorlyq ansam­b­lmen osy­nau merekelık keştı bırlese ūiym­das­­tyryp jatyrmyz. Qazaqtyŋ ūly  toiyn öz därejesınde atap ötken meke­me basşylaryna önerpazdar atynan al­ǧys aitamyz.

Erkejan SÄTIMBEK

 

Taǧyda

Ūqsas jaŋalyqtar

Pıkır üsteu

Back to top button