Aqyly avtotūraqtar aşylady
Astana qalasy Qoǧamdyq keŋesınıŋ otyrysynda aqyly kölık tūraqtary mäselesı qaraldy.
– Joba kezeŋ-kezeŋmen engızıledı. Bırınşı kezeŋde sol jaǧalauda kölık qoiatyn 910 oryn qamtylady. Bızdıŋ mındetımız jobanyŋ jūmys ısteu qabılettılıgın jäne ony odan ärı jüzege asyru üşın qajettı barlyq tehnikalyq körsetkışterdı anyqtau bolyp tabylady. Aqyly tūraq – aqşa öndırıp alu qūraly emes, būl köşe-jol jelısıne tüsetın jüktemenı azaitudyŋ bır joly, – dedı qalalyq Jolauşylar kölıgı basqarmasynyŋ basşysy Edıl Süleimenov.
Qazırgı kezde aqyly tūraqty paidalanǧany üşın bazalyq tariftı bekıtu turaly qauly äzırlenıp jatyr. Esepteuler boiynşa ol 182 teŋgenı qūrauy tiıs, bıraq äleumettık maŋyzdylyǧyn eskere kele, saǧatyna 150 teŋgeden belgıleu ūsynylyp otyr. Mügedektıgı bar adamdar tūraqty tegın paidalanady.
Sonymen qatar, qoǧamdyq keŋes otyrysy barysynda elordaǧa kırudı aqyly etu mümkındıgı qaraldy.
– Bügıngı taŋda qalada täulıgıne 400 myŋǧa juyq kölık tırkeledı, sondai-aq, elordaǧa alty baǧyttan täulıgıne 74 myŋǧa juyq kölık keledı, būl kölık qoiu jaǧdailaryn qiyndatyp, kölık keptelısterın jäne t.b. jaǧdailardy tudyrady. Trafiktı eŋ tiımdı şekteudıŋ joldarynyŋ bırı qalaǧa kırudı aqyly etu bolyp tabylady. Bız qala aumaǧynda köşelerdıŋ belgılı bır uchaskelerın aqyly qyludy ūsynamyz, – dedı E.Süleimenov.
Naqty qai uchaskelerdıŋ aqyly bolatyny äzırge belgısız. Qoǧamdyq keŋes müşelerı osy mäselege qatysty köp eskertu jasap, sögıs aitty. Osyǧan bailanysty aqyly tūraqtar jobasy boiynşa Qosymşa qūjattar, tüsındırmeler, syzbalar sūratyp, mäselenı Qoǧamdyq keŋestıŋ kelesı otyrysynda qarau turaly şeşım qabyldandy. Qalaǧa kırudı aqyly etu boiynşa eşqandai qorytyndy şyǧarylǧan joq.
E.Süleimenov sondai-aq, Astanadaǧy jolauşylar kölıgınıŋ jūmysy turaly aqparatpen tanystyrdy.
– Qazırgı kezde 86 qalalyq marşruttyŋ 64-ı şyǧyndy bolyp keledı, 90 teŋgelık tarif 2014 jyly engızılgen, säikesınşe, ekı jylda ekonomikalyq jaǧdai özgerdı. Sondyqtan tariftı kötermeu üşın subsidiialau kerek, – dedı ol.
Qoǧamdyq keŋes müşelerı subsidiialaudy qoldady. Aldaǧy ekı jylda qoǧamdyq kölıkpen jüru tarifın būrynǧy deŋgeide 90 teŋge mölşerınde qaldyru josparlanǧan.