15 aqpan – Keŋes äskerınıŋ Auǧanstannan şyǧarylǧan künı. Būl kün QR Ükımetınıŋ qaulysymen elımızdegı merekelık jäne atauly künder tızbesıne qosylǧan. Ötken ǧasyrdyŋ 1979-1989 jyldary aralyǧynda öz äskeri mındetın Auǧanstanda ötkergen jauynger-nternasionalister bügıngı taŋda ardagerler qatarynan körınedı.
Jastaiynan oq pen otqa şarpylǧan jauyngerler üşın 15 aqpan – eske alu künı. Öitkenı Auǧanstanda bolǧan alapat soǧysta Keŋes äskerınıŋ 22 myŋnan asa azamaty mert boldy, onyŋ ışınde myŋnan asa qazaqstandyq jıgıtter de jat jerde dūşpan qolynan qaza tapty. Myŋdaǧan adam jaraqat saldarynan mügedek bolyp oralsa, bırneşe adam ız-tüssız joǧalyp kettı.
Auǧanstan soǧysyna qatysqandar bügıngı taŋda elımızdegı qoǧamdyq-saiasi, äleumettık-ruhani nauqandarǧa belsendı qatysady. Sonymen qatar jas ūrpaqty äskeri-patriottyq tärbiege baulyp jürgender de osy jauynger-internasionalister. Astana qalasy boiynşa 1500-ge juyq «auǧandyq» ardagerlerdıŋ basyn qosatyn «Auǧanstan soǧysy mügedekterı men ardagerlerı odaǧy» qoǧamdyq bırlestıgı jyl boiy balalar men jastar arasynda äskeri-patriottyq şaralardy, sport jarystaryn ūiymdastyrady. Soǧysta qaza tapqan jauyngerlerdıŋ otbasyna, ata-anasyna qaiyrymdylyq kömek körsetu – ūiymnyŋ aldyndaǧy eŋ qasiettı mındettıŋ bırı.
Astana qalasyndaǧy Soǧys ardagerlerıne arnalǧan ortalyq klinikalyq gospital oq pen otqa şarpylǧan maidangerlerdıŋ densaulyǧyn oŋaltatyn bırden-bır mekeme bolyp otyr.
Aituly mekemede memlekettık tapsyrys aiasynda Ūly Otan soǧysynyŋ maidangerlerı men tyl eŋbekkerlerı, Auǧanstan soǧysyna qatysqan jauynger-internasionalister, täjık-auǧan şekarasyndaǧy, İraktaǧy jäne Tauly Qarabaqtaǧy ūrys qimyldaryna qatysuşylar, sondai-aq Chernobyl apatyn joiuǧa qatysuşylar men Semei poligonynan zardap şekkender emdeledı. Gospitalǧa keluşılerdıŋ sanatyna qarai mūndaǧy därıgerler men medbikelerdıŋ qyzmet körsetuınen erekşe bır ızgılıktı aŋǧaruǧa bolady. Öz kezegınde ardager degen abyroily ataqty arqalaǧan azamattar da aq halatty abzal jandardyŋ eŋbegıne dän rizaşylyǧyn bıldırıp jatady.
– Bızdıŋ gospitalda ardagerler emdeletın bolǧandyqtan, olarǧa bız tek qana därıgerlık tūrǧydan qarap qana qoimaimyz. Ärkımnıŋ syrqatyna qarai köŋıl küiın tabuǧa tyrysamyz. Öitkenı soǧys körgen, türlı auyr tehnogendı apatty basynan keşken adamdardyŋ jan düniesı de zardap şegetının bılemız, tüsınemız. Osynda auyryp kelıp, em-domyn alǧan soŋ jadyrap şyǧyp bara jatqanyn körgende kädımgıdei quanyp qalamyz. Būl pasientterge degen ūjymdyq közqarasymyz desem de bolady, – deidı täjıribelı därıger-nevropatolog Baǧdat Qūspanov.
Bügıngı taŋda gospital bır mezgılde 104 adamdy emge qabyldaidy. Sondai-aq 10 adamǧa kündızgı emdeuge keluge mümkındık jasalǧan. Soŋǧy jyldary mekemenıŋ medisinalyq qondyrǧylary men jabdyqtary edäuır jaŋarǧan. Qazırgı zamanǧy UDZ, lor-kombain, endoskopiia jäne basqa apparattar ıske qosylǧan. Emdeu şaralary boiynşa kardiolog, oftalmolog, endokrinolog, hirurg, nevropatolog, ginekolog, stomatolog, dermatolog, psihiatr, diagnostika, emdeu-dene şynyqtyru mamandary keşendı türde qyzmet körsetedı.
Gospital direktorynyŋ mındetın atqaruşy Serık Şahmanov ärbır därıgerdıŋ bılıktılıgın arttyrudy ünemı nazarda ūstaidy. Därıgerlerdıŋ jūmysyn üilestırude emhanalyq-diagnostikalyq bölım meŋgeruşısı Qarlyǧaş Omarova, emdeu bölımderınıŋ meŋgeruşılerı Aigül Jünısova, Janat Baikenova, Aigül Qūspanova, därıgerler Baǧdat Qūspanov, Ruslan Bekenov, Botagöz Däuletbekova, Dinara Jünısova, Gulia Şakarimova, Janargül Kışkene jäne Edıl Jūldyz – öz ısınıŋ bılıktı mamandary. Künı boiy nauqastardyŋ em-domyn jasap, qai kezde de emdeluşınıŋ janynan tabylatyn Olga Semenova, Aikümıs İbraeva, Şaizat Qalieva, Almagül Nūrtaeva, Jadyrasyn Esenǧazina, Ardaq Toqsanbaeva jäne basqalary da ardagerler alǧysyna kenelıp jürgen medbikeler.
