Keşe Almaty äkımdıgınde «Almaty audany ükımettık emes ūiymdar künıne orai» konferensiiasy öttı. Is-şarany biyl qyrküiek aiynyŋ soŋynda ötetın «Qalalyq ÜEŪ forumy» qarsaŋynda Ükımettık emes ūiymdardy qoldau ortalyǧy ūiymdastyryp otyr.
Ortalyq bırneşe kün boiy elordadaǧy üş audan äkımdıkterınıŋ bazasynda ÜEŪ-nyŋ «aşyq esık künderın» ötkızedı.
Iаǧni, halyq arasynda ÜEŪ-nyŋ qyzmetın keŋınen nasihattap, äleumettık mäseleler jönındegı audandyq baǧdarlamalar jasauǧa alǧyşarttar qūrady. Astana qalasy audany äkımdıkterı men ÜEŪ arasynda türlı baǧyttar boiynşa äleumettık ärıptestık tetıkterın odan ärı jetıldıru mäselesın bırlesıp talqylaidy.
Almaty audany äkımdıgınıŋ mälımdeuınşe, audan ömırın jaqsartuǧa sep bolatyn, özektı mäselelerdı köterıp, şeşetın ÜEŪ sany jeterlık.
Astana qalasy ÜEŪ qoldau ortalyǧynyŋ soŋǧy mälımetterıne sensek, elordada 210 ÜEŪ tırkelgen.
Erkejan SÄTIMBEK
