Altyn NŪRJUMİNA, «Astana-Tazalyq» JŞS öndiristik-tehnikalyq böliminiŋ bastyǧy: Ärkim Öz üiin jinaǧandai äserlense
Aldaǧy aptada Astana qalasy boiynşa ekologiialyq tazalyq aiy bastalady. Qala äkimdigi «Süiikti qalamyzdyŋ taza da jaily boluyna barşamyz atsalysaiyq!» degen ündeu jariialap, astanalyqtardy aituly şaraǧa belsendi qatysuǧa şaqyrady. Biz bügin 10 säuirden bastalatyn ailyqqa bailanysty qala mekemelerine habarlasyp körgendi jön sanadyq. Alǧaşqy saualymyzǧa «Astana-Tazalyq» JŞS öndiristik-tehnikalyq böliminiŋ bastyǧy Altyn Nūrjumina jauap berdi.
– Aldaǧy seisenbide qala boiynşa ekologiialyq tazalyq ailyǧy bastalady, sonymen qatar apta saiyn senbilikter ötetin bolady. Būl bizdiŋ qalanyŋ eŋ bir maŋyzdy şarasy dep sanaimyn. Qaida bolsa da eŋ bastysy tazalyq qoi. Al qala degenimiz – ülken organizm. Onyŋ üstine qystan jaŋa şyǧyp jatyrmyz. Sondyqtan, tazalyq jöninen jūmys jetkilikti dep oilaimyn.
– Qalamyzdyŋ tazalyǧyna birden-bir jauapty käsiporyn retinde aldaǧy aiǧa qandai äzirlik jasap jatyrsyzdar?
– Şynymdy aitsam, bizdiŋ käsiporyn üşin aptanyŋ är küni – tazalyq küni desem bolady. Memlekettik maŋyzdy nysandar, qoǧamdyq oryndardyŋ syrtqy tazalyǧyn ünemi nazarda ūstaimyz. Qystyŋ qaryn şyǧaryp boldyq. Öziŋiz bilesiz, Astanaǧa keluşiler köp. Türli-türli şaralar ötedi. Sondyqtan, bizdiŋ jūmysta üzilis degen bolmaidy.
Al, endi tazalyq ailyǧy turaly aitsam, būl qala äkimdiginiŋ jyldaǧy dästürli şarasy bolyp otyr. Öte paidaly is. Būl bastamany astanalyqtar barynşa qoldauy kerek. Eger, är senbi saiyn ärbir ūjym tazalyq jūmysyna şyǧyp otyrsa, qalamyz jainap şyǧa keledi. Bylaişa aitqanda, «ärkim öz üiin jinaǧandai közqarasta bolsa» deimin.
«Astana-Tazalyq» bolsa ekologiialyq ailyq barysynda qazirgi jaǧdaidan küşeitilgen rejimde jūmys jürgizetin bolady. Basqa ūjymdardy da belsendi boluǧa şaqyramyz. Är aula, är köşe sypyrylyp, aǧaştar tüptelip, bäri-bäri syrlanyp, sylanyp şyqsa öte tamaşa bolar edi.
Qalamyzdyŋ taza boluy barşamyzǧa syn bolsyn.
Betti äzirlegen Ashat Raiqūl
