Äset İsekeşev «Futbol joly – 2026» baǧdarlamasymen tanysty

Astana äkımı Äset İsekeşev Qazaqstan futbol federasiiasynyŋ «Futbol joly – 2026» būqaralyq sportty damytu jönındegı baǧdarlamasymen tanysty.

Astanada 300-ge juyq bala aulada aptasyna bır­neşe ret käsıpqoi bapkerlermen tegın jattyǧady. Tūrǧyn üilerdıŋ aula­laryndaǧy 13 futbol alaŋynda (sonyŋ ışınde «Lesozavod», «Köktal» jäne Gersen köşesı siiaqty şalǧai jatqan şaǧyn audandarda) futboldan ba­la­larǧa arnalǧan tegın jat­tyǧular tūraqty türde ötkızıledı.
– Memleket basşysynyŋ būqaralyq sportty damytu jönındegı tapsyrmasymen 2026 jylǧa deiıngı futboldy damytu strategiiasy äzırlendı. Būl strategiianyŋ baǧyttarynyŋ bırı balalar men jasöspırımder jäne būqaralyq sportty damytu bolyp tabylady. Aulada futbol oinaǧandar sport mektepterıne barady. Sport mektepten, auladan bas-tap bärıne de qoljetımdı boluy kerek. Astana qalasynyŋ äkımdıgı bızdı qoldap, baǧdarlama jüzege asyryla bastady, aldaǧy uaqytta Qazaqstannyŋ barlyq qalalaryndaǧy aulalar qamtylady, – deidı QFF prezidentı Erlan Qojaǧapanov.
QFF bapkerlerdı ırıktep, eŋbekaqy töleu boiynşa barlyq şyǧyndardy köteredı, qajettı mülıkpen qamtamasyz etedı. Jaqynda ǧana Premer-Liga men Bırınşı Ligada käsıpqoi klubtardyŋ sapynda öner körsetıp jürgen, Qazaqstannyŋ jasöspırımder qūramalaryna tartylǧan jas bapkerler ūl-qyzdarǧa futboldyŋ qyr-syryn üiretedı. Balalarǧa syilyq retınde futbolkalar, doptar tabystalady.
Jaqyn arada Qosşy, Jıbek joly jäne qalanyŋ basqa da bölıgınde ornalasqan üş futbol alaŋynda da futboldan tegın jattyǧular ötkızıletın bolady. Qazırgı kezde üş audanda 287 sport alaŋy bar, sonyŋ ışınde 212-sı – futbol alaŋy. Astana qalasynyŋ äkımı balalar men jasöspırımder jäne būqaralyq sportty damytudyŋ maŋyzdylyǧyn atap öttı.
– Bolaşaqta atalǧan baǧdarlamamen aulalardy barynşa qamtu qajet. Qazırgı kezde aula aumaqtaryn abattandyrudyŋ jaŋa baǧdarlamasy äzırlenıp jatyr, onda balalar jäne sport alaŋdary, trenajerlar jäne taǧy basqa qarastyrylǧan, – deidı qala basşysy Äset İsekeşev. Onyŋ aituynşa, aulalyq, otbasylyq sportty damytu elorda äkımdıgı qyzmetınıŋ basym baǧyttarynyŋ bırı bolmaq.

Tömende qala boiynşa belgılengen aulalardaǧy futboldan tegın jattyǧular kestesı.

Bürkıt NŪRASYL