Qala men Sala

ÄSKERİLER TIL SAIYSTYRDY

11

Qazaqstan halqy tılderınıŋ merekesıne orai QR Qaruly Küşterı Qūrlyq äskerlerı bas qolbasşysy basqarmasynda «Memlekettık tıl – menıŋ tılım» atty ūlty özge äskeri qyzmetşıler arasynda baiqau öttı. Şara aldynda basqarmanyŋ memlekettık tıldı damytu bölımınıŋ bastyǧy Manarbek İbrahim söz söiledı.

«Bahadür Bauyrjan atamyz tılı kedei eldı mädenietsız, anaiy, nadan halyq dep sanaidy. Al qazaq tılı – özınıŋ dalasyndai keŋ pışılgen jaidary da jalpaq tıl. Qazaq sözı qaşanda dalanyŋ qoŋyr jelındei aŋqyldap erkın esıp tūrady. Qazaq tılınıŋ biiazy maqamy – dombyranyŋ kümbır qaqqan sazyndai. Qazaq tılı – damyǧan, jetılgen, bai tıl. Būl sözımızdı şyǧystanuşy V.Radlovtyŋ: «Qazaqtardyŋ tılı jatyq ta şeşen ärı ötkır, köbıne ılıp-qaǧyp, taŋǧalarlyqtai oralymdy söileidı» degenı rastaidy. Ūly Abai da: «Ötkırdıŋ jüzı, kestenıŋ bızı, örnegın sendei sala almas» dep beker aitpaǧan. Sol sebeptı, ana tılımızdıŋ qadır-qasietın baǧalap, ūrpaqtan-ūrpaqqa qaimaǧy taza küiınde jetkızu – barşamyzǧa paryz» dedı podpolkovnik M.İbrahim.

Elımızdıŋ är öŋırınde ötken kon­kurs­tardyŋ jeŋımpazdarynan ja­saq­talǧan segız ümıtker saiysta tör atalym boiynşa synǧa tüstı. Qa­­tysu­şylar alǧaşqy kezeŋde özın än maqamymen, öleŋmen tanys­tyrsa, kelesı bäsekede belgılı aqyn-jazu­şy­­lardyŋ şyǧarmalaryn mänerlep oqydy. Üşınşı synda söz jäne söz tırkesterın orys tılınen memle­kettık tılge, memlekettık tılden orys tılıne audardy. Soŋǧy atalymda äskeri salaǧa qatysty sūraqtarǧa jauap berıp, bılıktılıkterın ortaǧa saldy.

Baiqaudyŋ nätijesınde elor­dalyq tıl janaşyrlarynan qūral­ǧan ädılqazylar alqasy keŋese kele, bas jüldenı №58012 äskeri bölı­mı­nıŋ qyzmetkerı, leitenant Aiina Lavrentevanyŋ qanjyǧasyna bailady. «Menıŋ bar bolmysym qazaqqa tartyp ketken syŋaily. Öitkenı, üi ışınde qazaq tılınde söilesemız, qazaq ūltynyŋ keibır salt-dästürlerın ūstanamyz. Elbasy «Qazaqstandyqtardyŋ bır ǧana ota­ny bar, ol – Qazaqstan» dedı ǧoi. Rasynda, menıŋ Otanym – tek qazaq elı. Būl jeŋısım – osynyŋ aiǧaǧy» dedı A.Vadimqyzy.

Ekınşı oryn №10228 äskeri bölımınıŋ qatardaǧy jauyngerı Vadim Korotyşqa būiyrdy. «Batys» öŋırlık qolbasşylyǧy äskerlerınıŋ kışı serjanty Dmitrii Koşeles üşınşı oryndy ielense, «Oŋtüstık» öŋırlık qolbasşylyǧy äskerlerınıŋ serjanty Liubov Tektıbaeva yntalandyru syilyǧyn mıse tūtty.
Jeŋımpazdarǧa ūiymdas­tyru­şylar tarapynan diplomdar men syi-siiapattar tabys etıldı.

Asan YSTY

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button