Keşe Qazaqstan Respublikasynyŋ Memlekettık hatşysy G.Äbdıqalyqovanyŋ töraǧalyǧymen Qazaqstan halqy assambleiasy jylyn ūiymdastyru jäne ötkızu jönındegı memlekettık komissiiasynyŋ keŋeitılgen otyrysy öttı.
Keŋes jūmysyna Memlekettık komissiianyŋ müşelerı, Parlament deputattary, memlekettık organdardyŋ ökılderı, respublikalyq etnomädeni bırlestıkterdıŋ basşylary, QHA ǧylymi-saraptamalyq keŋesınıŋ müşelerı, būqaralyq aqparat qūraldarynyŋ ökılderı qatysty.
Otyrysta Qazaqstan Respublikasy Premer-Ministrınıŋ orynbasary, Komissiia töraǧasynyŋ orynbasary B.Saparbaev, Qazaqstan Respublikasy Konstitusiialyq Keŋesınıŋ töraǧasy, Komissiia töraǧasynyŋ orynbasary İ.Rogov, Qazaqstan halqy assambleiasy töraǧasynyŋ orynbasary, Qazaqstan halqy assambleiasy hatşylyǧynyŋ meŋgeruşısı, komissiia töraǧasynyŋ orynbasary E.Toǧjanov, Mädeniet jäne sport ministrı A.Mūhamediūly, QR Prezidentı janyndaǧy Ortalyq kommunikasiialar qyzmetınıŋ basşysy E.Babaqūmarov baiandama jasady.
Otyrys barysynda 2015 jylǧa arnalǧan mereitoilyq ıs-şaralardy jüzege asyru, Qazaqstan halqy assambleiasy jylyn ūiymdastyru jäne ötkızu jönındegı ūlttyq ıs-şaralar josparyn ıske asyru, Qazaqstan Respublikasy Konstitusiiasynyŋ 20 jyldyǧyna arnalǧan ıs-şaralardy ūiymdastyru boiynşa daiyndyq barysy turaly mäseleler qaraldy.
Memlekettık komissiianyŋ müşelerı ūiymdastyruşylyq-ädıstemelık bırızdılıktı qamtamasyz etuge jäne barlyq ıs-şaralardy üilestıruge baǧyttalǧan Qazaqstan halqy assambleiasy jylyn ötkızu tūjyrymdamasyn bekıttı.
Memlekettık komissiia Qazaqstan halqy assambleiasy jylynyŋ emblemasynyŋ (logotip) jäne Qazaqstan halqy assambleiasynyŋ 20 jyldyǧyna arnalǧan mereitoilyq medal eskizderınıŋ ülgılerın bekıttı.
Sonymen qatar, QR Konstitusiiasynyŋ 20 jyldyǧyn, Qazaq handyǧy qūrylǧanynyŋ 550 jyldyǧyn, Jeŋıstıŋ 70 jyldyǧyn qosa alǧanda, 2015 jylǧa arnalǧan mereitoilyq ıs-şaralardyŋ josparlaryn ıske asyru boiynşa memlekettık organdardyŋ jūmysyn üilestıru jäne özara ıs-qimyldaryn ūiymdastyru mäselelerı talqylandy.
Otyrystyŋ qorytyndysy boiynşa Memlekettık hatşy jūmysty ūiymdastyru boiynşa bırqatar naqty tapsyrmalar berdı.
