ASTANA ÄKIMI ÄDILBEK JAQSYBEKOVTIŊ QALALYQ MÄSLİHAT SESSİIаSYNDA SÖILEGEN SÖZI

Qūrmettı deputattar!

Astana qalasynyŋ äleumettık-ekonomikalyq jäne qoǧamdyq-saiasi jaǧdaiy tūraqty damu üstınde.

Özderıŋız bılesızder, Elbasymyz Astana qalasyn ärqaşan nazarynda ūstap keledı. Elordamyzdy damytu – barlyǧymyzǧa ortaq mındet. Bügıngı bır auyzdan qabyldanǧan şeşım oǧan kuä. Aldaǧy uaqytta da bırıge jūmys atqaramyz dep oilaimyn jäne senemın.

Qadırlı deputattar!

Bügın maŋyzdy qarjylyq qūjat – qala biudjetı qabyldandy.

Sızderdı bilıktıŋ zaŋ şyǧaru organynyŋ ökılderın būl şeşımmen qūttyqtaǧym keledı.

Osymen 2015 jylǧy qyzmettıŋ negızı qalandy. Keiınnen reformalar barysynda ol tolyqtyryluy, qajet bolsa, biudjettık saiasattyŋ baǧyttary boiynşa tüzetıluı mümkın.

Aǧymdaǧy jyl Astana üşın qolaily boldy. Elordamyz özın-özı qamtu deŋgeiıne şyqty. Damudyŋ barlyq negızgı damu baǧyttary boiynşa joǧary ekonomikalyq körsetkışter baiqalady.

2014 jylǧy 10 aidyŋ ışınde önerkäsıptık önım kölemı 228,6 mlrd teŋgenı qūrady.

Negızgı kapitalǧa 472,2 mlrd teŋge tartyldy, ösım 12,7%-dy qūrady.

Qūrylys jūmystarynyŋ kölemı 31,5%-ǧa ūlǧaidy. 903,6 myŋ şarşy metr tūrǧyn üi paidalanuǧa berıldı, 2013 jyldyŋ säikes merzımımen salystyrǧanda ösım 4,5%-dy qūrady.

Ortaşa ailyq körsetkışı 11,3%-ǧa artyp, 168,5 myŋ teŋgege jettı.

2011-2013 jyldar aralyǧynda jalpy öŋırlık önım indeksı boiynşa jyl saiyn orta eseppen 11% tūraqty ösu qarqyny baiqaluda, būl respublikalyq deŋgeiden aitarlyqtai joǧary (orta eseppen – 106 %).

Būl – qysqaşa statistikalyq mälımet. Bıraq oǧan qarap, Memleket basşysynyŋ jyl saiynǧy Joldaularynda tapsyrǧan jūmystardyŋ oryndaluynyŋ nätijesın köruge bolady.

Köptegen sarapşylardyŋ pıkırınşe, aldaǧy jyldary daǧdarystyŋ örşi tüsetınıne qaramastan, Nūrsūltan Äbışūly özınıŋ «Nūrly jol» Joldauynda jaŋa ekonomikalyq saiasatty jäne elımızdıŋ damuynyŋ negızgı baǧdaryn anyqtady.

Elbasy jariia etken jobalardyŋ elımızge daǧdarysty eŋseruge, sondai-aq, innovasiialyq jäne tehnologiialyq bolaşaqqa serpındı qadam jasauǧa mümkındık beretınıne senımdımın.

Qūrmettı deputattar!

Memleket basşysynyŋ elordamyzdyŋ damuyna basa nazar audaratynyn bılesızder. Köptegen investisiialyq jobalar jüzege asyrylyp jatyr.

2015 jyly 200 astam jobany ıske asyruǧa memlekettık biudjetten 170 mlrd teŋgeden artyq qarjy qarastyryldy.

Astana respublikalyq kölemdegı şaralardy ötkızuge belsendı qatysady. Keler jyly mereitoilar köp bolady. Atap aitqanda, Qazaqstan Respublikasy Konstitusiiasynyŋ 20 jyldyǧy, qazaq memlekettılıgınıŋ 550 jyldyǧy, Qazaqstan halqy assambleiasynyŋ 20 jyldyǧy jäne t.b.

Osyǧan orai mäslihat deputattary men qala äkımdıgı barlyq şaralarǧa jäne jobalardy jüzege asyruǧa belsendı qatysuy kerek.

Jaqynda «Astananyŋ erekşe märtebesı turaly» zaŋǧa mäslihat pen äkımdıkke qosymşa ökılettıkter beru turaly tüzetuler engızu bastamasyn köterdık.

Memleket basşysy būl bastamany qoldady. Būl özgerıster mäslihat deputattarynyŋ rölın küşeituge, baqylau sapasyn arttyruǧa, jergılıktı deŋgeide qarjylyq tärtıptı jaqsartuǧa, elordanyŋ damuy üşın maŋyzdy şeşımder qabyldauǧa mümkındık beredı.

Qūrmettı deputattar!

Alda ekonomikalyq saiasattyŋ jaŋa prin­sipterıne ötu mındetı qoiyldy. Sonymen qatar, äleumettık kepıldemeler men mındettemelerdıŋ eŋ tömen standarttaryn tolyq kölemde qamtamasyz etuge mındettımız.

Aita keteiın, aldaǧy jyly qyzu jūmys jürgızıledı.

Bırınşı, bızge biudjet şyǧyndaryn barynşa azaitu jäne onyŋ şyǧys bölıgın tiımdı paidalanu boiynşa şaralar qoldanu kerek.

Menıŋşe, baǧdarlamalardyŋ äkımşılerıne biudjettı oryndau jäne qajettı şaralardy uaqytyly qabyldau boiynşa jeke jauap­kerşılık jükteluı tiıs.

Barlyq paidalanylatyn biudjet qarjysyn alǧa qoiylǧan maqsattar men mındetterdı şeşuge baǧyttau kerek, olar naqty nätijelerge äkeluı tiıs.

Biudjet qarjysyn josparlaudy jäne jūmsaudy, esepke alu men eseptılıktıŋ şynaiy jäne dūrys jürgızıletının baqylau deputattyq korpusqa bailanysty dep oilaimyn. Jergılıktı memlekettık organdardyŋ strategiialyq josparlaryn jäne biudjettık baǧdarlamalardy jüzege asyrudy tiımdı baqylau jönındegı tūraqty komissiialardyŋ jūmysyn küşeitu kerek.

Ekınşı. Elordamyzǧa «EKSPO-2017» halyqaralyq mamandandyrylǧan körmesın ötkızu boiynşa erekşe jauapkerşılık jük­teldı. Aldyn ala boljamdarǧa säikes, kör­mege 5 mln juyq adam keledı.

Bız üşın kölık infraqūrylymy mäselelerı maŋyzdy, sonyŋ ışınde Qabanbai batyr daŋ­ǧylyn modernizasiialau, Astana äuejaiynda ūşyp-qonu alaŋynyŋ jaŋa terminalyn, jaŋa temırjol vokzalyn salu mındetı tūr.

JEO-1, JEO-2 qalpyna keltıru jäne JEO-3 qūrylysy da airyqşa maŋyzǧa ie.

Halyqaralyq deŋgeidegı şaralardy ötkı­zuge ekı jyldan artyq uaqyt qaldy. Belsendı jūmys ısteu kerek.

Üşınşı. Qalany damytudyŋ negızgı baǧyt­tarynyŋ bırı – «Aqyldy qala» jobasyn jüzege asyru. Ol elordanyŋ tynys-tırşılıgınıŋ köptegen salalaryn qamtidy. Atap aitqanda, «Ziiatkerlık kölık jüiesı», «BRT», «Keşendı tırşılık äreketın qam­tamasyz etu jüiesı» jäne t.b. jobalar. Būl mäselenı baqylauda ūstau qajet. Jobany jüzege asyru qalaǧa da, tūrǧyndarǧa da barynşa paidasyn tigızuı kerek.

Törtınşı. Äleumettık saladaǧy mäselelerdı şeşu.

Densaulyq saqtau salasynda aurulardyŋ aldyn aluǧa jäne boldyrmauǧa, alǧaşqy medisinalyq kömek körsetu men emhana qyzmetterınıŋ sapasyn arttyruǧa basymdyq berıluı kerek.

Bügın qalada belgılı bır därejede bılıktı medi­sinalyq kadrlardyŋ jetıspeuşılıgı baiqalady. Densaulyq saqtau salasynyŋ qyzmetkerlerı üşın jergılıktı biudjetten äleumettık toptamany keŋeitu, qyzmettık jataqhanalar salu mümkındıgın qarastyru qajet.

Sonymen qatar, medisinalyq kolledjdıŋ jaŋa tiptık ǧimaratyn salu mäselesın qaras­tyratyn uaqyt keldı dep oilaimyn.

Elordada jūmyssyzdyq mäselesı de özektı, äsırese, jastar arasynda. Olardy jūmysqa ornalasuǧa yntalandyru şaralary men jaŋa mümkındıkterı jaily oilanu kerek.

Bılım beru salasynda memlekettık tapsyrysty jäne balabaqşalarda ata-analar tölem­derınıŋ kölemın ūlǧaitudy qarau
kerek. Üş jyldyŋ ışınde būl körsetkış özgergen joq.

Būl rette balalardy tamaqtandyru qūnyn özgertu mümkındıgın de qarastyru qajet. Bügınde būl körsetkış 29 myŋ teŋgenı qūraidy jäne ol 2012 jyldan berı özgermegen. Bız devalvasiiany, azyq-tülık baǧalarynyŋ köterılgenın, jyl saiynǧy infliasiiany eskermeimız. Būl – Qazaqstan boiynşa eŋ tömengı körsetkış.

Qoǧamdyq kölıkpen jol jüruge kelsek, qazırgı kezde «Oquşylarǧa arnalǧan qo­ǧam­dyq kölıkpen jol jüru jeŋıldıkterı turaly» mäslihat şeşımıne säikes bılım meke­melerınde oqityn köpbalaly otbasylardan şyqqan balalarǧa qoǧamdyq kölıkpen jol jüru kezınde jeŋıldıkter jasalady.

Jeŋıldıktı jol jüru qūqyǧyn barlyq oqu­şylarǧa bergen dūrys bolady dep sanaimyn! Ärine, bırden emes, kezeŋ-kezeŋmen osyǧan da kelemız. Mūny egjei-tegjeilı taldau kerek.

Qūrmettı deputattar!

Bügınde bız üşın eŋ bastysy – būl özektı mäselelerdı şeşuge müddelı bolu, būl öz kezegınde, barlyq qiyndyqtar men qarama-qaişylyqtarǧa qaramastan soŋynda qalamyz­dyŋ damuy üşın asa qajettı maŋyzdy jäne qajettı şeşımder qabyldau bolyp tabylady.

Bız bar küş-jıgerımızdı bırıktırıp, Memleket basşysynyŋ barlyq tapsyrmalaryn oryndap, alǧa qoiǧan jaŋa mındetterdı şeşetınımız sözsız.

Astana qalasy mäslihatynyŋ deputattyq korpusyn jemıstı ärı sapaly jūmysy üşın şyn jürekten alǧys aitamyn.

Osy jaǧdaidy paidalana otyryp, zalda otyrǧandardyŋ barlyǧyn aldaǧy Qazaqstan Respublikasynyŋ Täuelsızdıgı künımen qūttyqtaimyn.

Nazarlaryŋyzǧa rahmet!