Qazaqstan Respublikasynyŋ Ūlttyq qorynan öŋdeuşı önerkäsıp salasyndaǧy şaǧyn jäne orta biznestı qoldauǧa bölıngen 100 mlrd teŋge tolyq igerıldı. Jalpy alǧanda, Ūlttyq qordan bölıngen qarjynyŋ 20 paiyzy Astana jäne Almaty qalalary käsıpkerlerınıŋ igılıgıne berılse, 80 paiyzy özge öŋırlerge tiesılı. Sonyŋ ışınde Astana köşbasşy orynǧa şyqty. Keşe Ortalyq kommunikasiialar qyzmetınıŋ brifingıne qatysqan «Bäiterek» ūlttyq basqaruşy holdingınıŋ basqarma töraǧasy Quandyq Bişımbaev osylai mälımdedı.
Quandyq Uälihanūlynyŋ aituynşa, atalǧan qarajatqa 437 joba qarjylandyrylyp, 23 jaŋa käsıporyn aşyldy. 144 zaemşy 27 mlrd teŋge somasyna qaita qarjylandyryluǧa mümkındık aldy. Käsıporyndarda sonyŋ esebınen jaŋa jūmys oryndary aşylyp, jūmysşylar sany
4,5 myŋǧa jettı.
– Atalǧan qarajatty bız jarty jyl ışınde igeruımız qajet bolatyn. Bügıngı taŋda bız Memleket basşysynyŋ tapsyrmasy tolyqqandy oryndaldy dep aita alamyz: aqşa igerıldı, şaǧyn jäne orta biznes ekınşı deŋgeilı bankterden būryn alǧan nesielerdı jeŋıldetılgen türde qaita qarjylandyruǧa mümkındık alyp, jūmystaryn jalǧastyra aldy. Jaŋa käsıporyndar qūrylyp, säikesınşe jaŋa jūmys oryndary aşyldy. Baǧdarlama, şynynda da, tabysty bolyp, qazaqstandyq käsıpkerlerge asa qajet ekenın körsettı, – dedı Quandyq Bişımbaev.
Spikerge sensek, Ūlttyq Qor qarajatynan berıler somanyŋ törtten bır bölıgı, iaǧni 25 mlrd teŋge tamaq önerkäsıbımen ainalysatyn käsıporyndarǧa berıldı. Söitıp, tamaq önerkäsıbı – qarjyny mol alǧan salaǧa ainaldy. Ekınşı orynǧa qūrylys salasy şyqty. Osy sala käsıpkerlerıne 23 mlrd teŋge bölındı.
Ūlttyq qordan qarjylandyrylǧan basqa jobalar arasynda metallurgiia men maşina jasau, sondai-aq, himiia, aǧaş öŋdeu jäne toqyma önerkäsıbı, jihaz öndıru salalary bar.
Sondai-aq, baspasöz brifingınde aimaqtar belsendılıgıne qatysty aqpar berıledı. Mysaly, Astana käsıpkerlerı 17 mlrd teŋgege qol jetkızdı. Al, Qyzylorda oblysy belsendılıgı eŋ tömen öŋırlerdıŋ bırıne ainaldy. Syr boiynyŋ käsıpkerlerı 430 mln teŋgeden astam qarjyǧa ǧana ūsynys bergen. Mūndai mälımettı «Damu» käsıpkerlıktı qoldau qorynyŋ basqarma töraiymy Läzzat İbragimova keltırdı.
Atalǧan baǧdarlama şarttaryn aita keteiık, Ūlttyq qor qoldau körsetken käsıpkerler 10 jylǧa deiın 6 paiyzdyq mölşermen je-ŋıldetılgen nesie ala alady. Şart boiynşa käsıporyn jūmysşylary 250 adamnan aspauy tiıs. Zaimnyŋ eŋ ülken mölşerı 1 850 mln teŋgenı qūraidy. Sonymen qatar, baǧdarlama qaita qarjylandyru baǧyty boiynşa da jüzege asady.
Amanǧali ŞMİTŪLY
