Keşe elorda äkımı Ädılbek Jaqsybekov kezektı apparat jiynyn ötkızdı dep habarlaidy Astana qalasy äkımdıgınıŋ baspasöz qyzmetı.
Jiynda Memleket basşysynyŋ bes institusionaldyq reformasyn oryndau aiasyndaǧy «100 naqty qadam» josparyn jüzege asyru mäselesı talqylandy.
Äkımnıŋ aituynşa, būl maqsattarǧa jetu üşın ıs-şaralardyŋ keşendı josparyn äzırleu qajet. Negızgı jūmystar Astanany Euraziianyŋ mädeni, ǧylymi jäne ıskerlık ortalyǧyna ainaldyruǧa jūmyldyryluy kerek.
Qarjy ortalyǧynyŋ erekşe zaŋdy märtebesı Konstitusiiada bekıtılmek. Keleşekte ol älemnıŋ aldyŋǧy qatarly 20 qarjy ortalyǧynyŋ bırıne ainalyp, elordanyŋ ıskerlık äleuetın eselei tüsedı dep kütılude.
– Bızge barlyq yqtimal jaǧdailardy, atap aitqanda, ortalyq jūmysynyŋ transporttyq jüiege, baspana men qonaq üiler naryǧyna, eŋbek naryǧyna, köşı-qon men turistık aǧymdarǧa äserın eskeru qajet. Ol üşın jergılıktı memlekettık organdarmen bırlese jūmys ıstegenımız jön, – dep tapsyrdy äkım.
Qala basşysy qarjy ortalyǧynyŋ halyqaralyq kölık qatynasyna äserın de söz ettı. Osy maqsatta «100 naqty qadamnyŋ» 73-tarmaǧynda aldyŋǧy qatarly qarjy ortalyqtarymen
bailanystyratyn aviaqatynastardyŋ tūraqty jäne qolaily jüiesı qūrylatyny aitylǧan. Būl öz kezegınde ışkı jäne qalaaralyq kölık aǧymdarymen tyǧyz bailanysta boluyn közdeidı.
– Elorda Aziia men Europanyŋ arasyn bailanystyratyn barşa qūrlyqtyŋ eŋ maŋyzdy kölık habyna ainaluy tiıs, – dedı äkım. – Būl tūrǧyda Jolauşylar kölıgı jäne avtomobil joldary basqarmasyna, «Astana LRT» JŞS qalanyŋ keşendı kölık jüiesıne qalyptastyruǧa jüielı türde kırısudı, halyqaralyq, ūlttyq jäne qalaışılık qatynastardyŋ barlyǧyn qarastyrudy tapsyramyn.
Ortalyq infraqūrylymynyŋ taǧy bır maŋyzdy bölıgı – sapaly aqparattyq-kommunikasiialyq jüie. Aldaǧy uaqytta ortalyq qatysuşylary ǧana emes, Astananyŋ barlyq tūrǧyndary da sapaly, jyldam jäne qymbat emes bailanys türıne qol jetkızedı dep josparlanǧan.
Äkım ortalyqqa şeteldıkterdıŋ köp keletının, būl rette aǧylşyn tılın barlyq jerde qoldanu qajettılıgı tuyndaitynyn atap öttı. Aǧylşyn tılı qarjy ortalyǧynyŋ aumaǧynda resmi tıl bolmaq.
– Bız qazırdıŋ özınde aǧylşyn tılın oqytu jäne ony jastar arasynda nasihattau boiynşa jūmystardy qolǧa aldyq. Qonaq üiler, meiramhanalar, basqa da qyzmet körsetu mekemelerınıŋ qyzmetkerlerıne aǧylşyn tılın üirete bastauymyz kerek. Memlekettık jäne jeke aǧylşyn tılın üiretu kurstaryn aşu mäselesın qarastyryp, ony materialdyq-tehnikalyq, kadrlyq jäne ädıstemelık bazamen qamtamasyz etuımız qajet, – dedı qala basşysy.
Elorda äkımı, sondai-aq, turizm salasyndaǧy jūmysty jaŋǧyrtu qajettılıgın atap öttı. Äkımnıŋ pıkırınşe, Astana qalasyna keluşıler sanyn arttyrudyŋ basty tetıgı – merekelık şaralar men turizmdı damytu.
Jiyndy qorytyndylaǧan äkım alǧa qoiylǧan maqsattardyŋ maŋyzdy ekendıgıne taǧy da ekpın tüsırıp, jūmysqa jauapkerşılıkpen qaraudy tapsyrdy.
– Auqymdy maqsattardy tüitkıldı mäsele retınde emes, özımızdı körsetudıŋ mümkındıgı, äl-auqatymyzdy jüzege asyrudyŋ amaly dep qarau qajet. Astananyŋ damuyna sübelı üles qosu ärqaisymyzdyŋ mındettı boryşymyz ekenın esten şyǧarmaǧanymyz abzal, – dedı elorda basşysy.
