ASTANA MEDİSİNASYNYŊ AHUALY
Densaulyq saqtau basqarmasynyŋ bastyǧy Aigül Segızbaevanyŋ aituynşa, elordalyqtardyŋ auruǧa şaldyǧu deŋgeiı men qaterlı dertten köz jūmu körsetkışı soŋǧy jyldary bırşama tömendep keledı. Aitalyq, qaterlı ısıkke şaldyǧuşylar körsetkışı 3,2 paiyzǧa, odan köz jūmatyndar sany 0,5 paiyzǧa azaiǧan.
2011 jyly 100 myŋ tūrǧynǧa şaqqanda 175 adamnyŋ qaterlı ısıkke şaldyqqany anyqtalsa, būl körsetkış 2012 jyly 169-ǧa tömendeptı. Jürek aurulary saldarynan bolatyn ölım körsetkışı de 49 paiyzǧa azaiǧan.
Basqarma bastyǧy qūrt auruynyŋ qūrsauyna ılıngender sanynyŋ da Astanada 19 paiyzǧa kemıgenın aitady. Äitse de, äleumettık salmaǧy batpandai keseldı kemıdı dep kesıp aituǧa erte bolar. 2012 jyly jüz myŋ adamǧa şaqqanda 111 auru deregı tırkelgen. Būl bas qala üşın az körsetkış emes, ärine. Sondyqtan, tuberkulezdı belgılı bır deŋgeide auyzdyqtau üşın tüsındıru jūmystaryn, ügıt-nasihat şaralaryn älı de arttyru kerek.
Elordada künıne şamamen 60-qa juyq säbi dünie esıgın aşady eken. «Ötken jyly qalada jalpy sany 21 myŋ 266 bala düniege keldı. Būl aiyna 1772 nemese täulıgıne 59 säbidıŋ dünie esıgın aşqandyǧyn bıldıredı», – dedı basqarma basşysy. Nätijesınde, 2012 jyly Astanada tuu körsetkışı 2,5 paiyzǧa östı. Al, aǧymdaǧy jyldyŋ 1 qaŋtaryndaǧy statistikalyq mälımetter qala halqynyŋ sany 778 myŋnan asqanyn körsetıp otyr.
Tūrǧyndardyŋ ömır süru ūzaqtyǧyn arttyru, balalar ölımın azaitu «Astana qalasy densaulyq saqtau basqarmasynyŋ 2011-2015 jyldarǧa arnalǧan strategiialyq josparynyŋ» basym baǧytynyŋ bırı bolyp tabylady.
Elordanyŋ bas därıgerınıŋ sözıne sensek, astanalyqtardyŋ ortaşa ömır süru ūzaqtyǧy 73 jasty qūraidy eken. Respublikalyq deŋgeide alyp qarasaq, bızdıŋ qala tūrǧyndarynyŋ bırşama ūzaq jasaitynyn baiqauǧa bolady.
2012 jyldyŋ qorytyndysy boiynşa ana ölımı 4 esege tömendep, säbilerdıŋ şetıneuı 12 paiyzǧa azaiypty. Mūndai körsetkıştı baǧyndyruymyzdyŋ bır sebebı äielderdıŋ joǧary mamandandyrylǧan medisinalyq kömekke degen qoljetımdılıgınıŋ arqasy bolsa kerek. 2012 jyly Densaulyq saqtau basqarmasynyŋ kvotasy boiynşa respublikalyq klinikaǧa 1140 äiel emdeuge jatqyzylǧan. Jüktı äielder jergılıktı biudjet esebınen tegın därı-därmektermen qamtamasyz etıledı. Mäselen, II, III därejelı temır tapşylyǧy anemiiasyna şaldyqqan aiaǧy auyr kelınşekterge qajettı därı-därmek tegın berıledı. Uchaskelık ginekologta esepte tūratyn jüktı äielder üşın Astana emhanalarynda antenataldy-biohimiialyq skrining, skriningtık ultradybysty zertteu, mamandardyŋ keŋesı, jynys joldary aurularynyŋ diagnostikasy tegın jasalady. Al, perzenthanadan üiıne şyqqan jas analar üş kün boiy medisinalyq qyzmetkerdıŋ baqylauynda bolady.
2013 jyldyŋ alǧaşqy ekı aiynda Astanada 2868 äiel bosanǧan. Sonymen qatar, ötken jyly Astanada ekstrakorporaldy ädıspen bala kötergen 44 äiel operasiialyq jolmen säbilı boldy.
«Bala süiu qabıletınen aiyrylǧan kez kelgen otbasy bır jylda bır ret berıletın arnaiy kvota arqyly tekseruden ötuge mümkındıgı bar» deidı basqarma bastyǧy.
Qalanyŋ ambulatoriialyq-emhanalyq menejmentınıŋ zamanaui tehnologiialary taqyrybynda baiandama jasaǧan №5 qalalyq emhananyŋ bas därıgerı Altynşaş Tabuldina da soŋǧy jyldary elordadaǧy medisinalyq qyzmet körsetu sapasynyŋ artqanyn aitady. Mäselen, taiauda ǧana emhanada medisinalyq qyzmet körsetu sapasyn jaqsartu jäne emhanadaǧy kezektı qysqartu maqsatynda elektrondy kezek jüiesı qoldanysqa engızıldı. Mūnda 5 tırkeu terezesı jūmys ısteidı. Olardyŋ bıreuı – anyqtama qyzmetı, qalǧan törteuı mamandar men diagnostikalyq zertteulerge jazyluǧa arnalǧan.
Emhana basşysynyŋ aituynşa, №5 emhana – äzırge Astanadaǧy elektrondyq kezek jüiesı ıske qosylǧan jalǧyz medisinalyq mekeme. Alaida, būl jüie taiau uaqytta qalanyŋ barlyq emhanalarynda jūmys ısteitın bolady.
Al, Astana qalasynyŋ balalarǧa arnalǧan mamandandyrylǧan stasionarlyq medisinalyq kömek körsetudı damytudyŋ täjıribesı men bolaşaǧy turaly №2 Qalalyq balalar auruhanasynyŋ bas därıgerı Qarşyǧa Qūlmūhanov aityp öttı.
Bas-aiaǧy bır saǧatqa sozylǧan baiandamalardan ūqqanymyz, densaulyq saqtau salasynda kürmeulı mäseleden görı qol jetkızgen jetıstıgımız köp. Solai-aq bolsyn. Solai boluy tiıs te. Öitkenı, Densaulyq saqtau ministrı Salidat Qaiyrbekovanyŋ aituynşa, Astana qalasynyŋ densaulyq saqtau salasyna aldaǧy 3 jylǧa ötken jyldarmen salystyrǧanda edäuır köp qarjy bölınıp otyr.
Şynar DOSAN