Keşe Memleket basşysy Nūrsūltan Nazarbaev elımızge memlekettık saparmen kelgen Vetnam Sosialistık Respublikasynyŋ Prezidentı Chyong Tan Şangpen kezdestı.
Kezdesu barysynda taraptar saiasi özara ıs-qimyl mäselesın, sauda-ekonomikalyq, industriialyq-innovasiialyq, investisiialyq jäne mädeni-gumanitarlyq salalardaǧy bailanystardy jandandyrudy talqylady.
Ekı el arasyndaǧy sauda-sattyq biyl 100 mln AQŞ dollaryna juyqtapty.
Ötken jyly ekıjaqty tauar ainalymy 59 mln AQŞ dollaryn qūraǧan. Vetnam basşysynyŋ Qazaqstanǧa tūŋǧyş saparyna rizaşylyǧyn bıldırgen Elbasy: «Menıŋ ötken jylǧy Vetnamǧa jasaǧan saparymmen, biylǧy būl kısınıŋ kelıp otyrǧan saparynyŋ arqasynda, ekı eldıŋ arasyndaǧy qarym-qatynas būryn bolmaǧan jaŋa därejege köterılıp otyr» dep atap öttı.
Öz kezegınde Vetnam basşysy Qazaqstannyŋ aimaqtaǧy jäne halyqaralyq sahnadaǧy rölı men qyzmetın joǧary baǧalaitynyn jetkızdı.
Qazaqstan men Vetnam Prezidentterınıŋ keŋeitılgen qūramdaǧy kezdesuınen keiın bırqatar qūjattar qabyldandy.
Atap aitqanda, karantin jäne ösımdıktı qorǧau salasyndaǧy yntymaqtastyq turaly, äue qatynasyn aşu turaly ekıjaqty Ükımetaralyq qūjattarǧa, Astana men Hanoi qalalary arasyndaǧy bauyrlastyq qatynastardy ornatu turaly jäne Qazaqstan Ūlttyq bankı men Vetnam Memlekettık bankı arasyndaǧy özara tüsınıstık jönındegı memorandumdarǧa qol qoiyldy.
Keler jyly Qazaqstannyŋ Vetnamdaǧy mädeni künderın ötkızu josparlandy.
Kezdesu soŋy Astanada Vetnam Sosialistık Respublikasynyŋ mädeniet künderınıŋ aşylu saltanatymen jalǧasty.
