Astana qalasy Turizm, dene tärbiesı jäne sport basqarmasynyŋ ūiymdastyruymen jalpyqalalyq «Astana – sport qalasy» atty būqaralyq şara öttı. Būl Memleket basşysy Nūrsūltan Nazarbaevtyŋ elımızde būqaralyq sportty damytu jönınde Qazaqstan halqyna arnaǧan Joldauynda aiqyndalǧan tapsyrmalardy jüzege asyrudyŋ aiasynda atqarylyp kele jatqan tūraqty şaralardyŋ bırı boldy.
Atap aitqanda, demalys künderı elordanyŋ köpşılık demalatyn oryndary būqaralyq sport alaŋdaryna ainalyp şyǧa keldı. Ūiymdastyruşylar bır mezgılde qalanyŋ tūs-tūsyndaǧy saiabaqtarda türlı sporttan saiystar ötkızıp, oǧan qala tūrǧyndary qalauynşa qatysuǧa mümkındık aldy. «Jerūiyq», «Prezidenttık», «Arai», «Ǧaşyqtar», «Astanalyq», «Studentter» saiabaqtary men Otan qorǧauşylar alaŋy jäne Ata Türık atyndaǧy baqta myŋdaǧan astanalyqtar men qala qonaqtary dene şynyqtyryp qana qoimai, köterıŋkı köŋıl-küige bölendı. Būqaralyq jarystarǧa qatysuşylar Astana qalasyda jürgızıletın sport seksiialarynda tärbie alyp jürgen balalar men jastardyŋ körsetılımdık önerın tamaşalady. Atap aitqanda, boksşylar, tennisşıler, futbolşylar, gimnastşylar, velosipedşıler jäne basqa da sport türlerımen ainalysuşylar şeberlıkterın körsettı.
Köpşılıkke arnalǧan «Köŋıldı start» jarystaryna qatysuşylardyŋ qatary köp boldy. Būl bäsekelerde balalar ata-analarymen bırge küş synasyp jatty. Rolikpen syrǧanauşylar men dop oinauşylardyŋ san-qily eptılıkterıne jūrtşylyq süisınıp qol soqty. Stritbol saiystary da qyzyqty öttı. Tennisşı bapkerlerdıŋ ötkızgen şeberlık sabaqtaryna qatysuşylar da az bolǧan joq. Qazaqstannyŋ eŋbek sıŋırgen jattyqtyruşysy A.Kochetkov velosiped sportyna qyzyǧuşylarǧa keŋes berdı.
– «Studentter» saiabaǧynda ötken sport merekesıne qatysqanyma quanyştymyn. Osy şaraǧa kelgenım köpten berı oiymyzda jürgen bır mäselemızdı şeşıp aldyq. Inım endı boks seksiiasyna baratyn boldy. Bapkerlermen jolyǧyp, qai jerge, qandai bapkerge baratynymyzdy bılıp aldyq. Köpşılıkke arnalǧan osyndai jarystar jiı bolyp tūrsa degen tılegımız bar. Sonda Astanamyz şyn mänınde sport qalasyna ainala tüsedı dep oilaimyn, – deidı L.Gumilev atyndaǧy Euraziia ūlttyq universitetınıŋ studentı İndira Qūrbanbaeva quanyşyn jasyrmai.
İä, soŋǧy jyldary būqaralyq sipat alǧan osyndai sporttyq şaralarǧa qyzyǧuşylyq tanytqan astanalyqtar qatary köbeiıp kele jatqany baiqalady. Jeksenbı saiyn saiabaqtarda äuesqoi jügıruşılerdıŋ jinalatyny, Esıl özenı jaǧalauynda funk-
sionaldyq gimnastikanyŋ ūiymdastyrylatyny qalypty şaraǧa ainaldy. Osyndai ızgılıktı dünieler arqyly Astana şyn mänınde būqaralyq sporttyŋ qalasyna ainala bastady.
