ASTANA SPORTYNYŊ AIŞYQTY SYILYǦY
«Qaisar tūlǧa» ūlttyq syilyǧyn tapsyru aiasynda Astana qalasyna «Eŋ üzdık sporttyq aimaq» syilyǧy berıldı.
Qazaqstannyŋ paralimpiadalyq qūramasy biyl İnchhonda ötken HI Aziia oiyndarynda 7 jarystan altyn, 6 kümıs jäne 11 qola jülde ie boldy. Osy körsetkışpen komandalyq esepte 11-orynnan körındı. Al elordalyq sportşylar jetı altyn medal, bır kümıs jäne üş qola jüldemen oraldy.
Qūrlyqtyŋ bairaqty bäsekesınde el namysyn abyroimen qorǧaǧan astanalyq sportşylar turaly aitar bolsaq, jüldege qol sozǧan saiypqyrandardyŋ bärı Astana qalasynda osydan on ekı jyl būryn qūrylǧan «Qaisar» mümkındıgı şekteulı jandarǧa arnalǧan sport klubynyŋ müşelerı. Atalmyş klubtyŋ jüzu sporty boiynşa jattyqtyruşysy «Qaisar tūlǧa» syilyǧymen ekınşı märte marapattalsa, arbada otyryp bileu bapkerı Äliia Tüsıpbekova da üzdık jattyqtyruşy atandy.
Aziia oiyndarynda absoliuttı rekord jasaǧan da astanalyq sportşy boldy. Atap aitqanda, jüzu jarystarynda synǧa tüsken Änuar Ahmetov Aziia oiyndarynyŋ bes dürkın chempiony atandy. Sonymen qatar, üş ret Aziada rekordyn jaŋartty. Mūndai körsetkıştı būǧan deiın bırde-bır sportşy baǧyndyrǧan emes. Dübırlı jarystyŋ jeŋımpazdaryn marapattau barysynda Änuarǧa «Qaisar tūlǧa» syilyǧymen qatar jeŋıl avtokölık tartu etıldı. İnchhon aidynynda jüzuden ekı dürkın chempion atanǧan Älıbek Uaqpaev, jüldegerler qatarynan körıngen Siiazbek Daliev pen Ruslan Ötebaliev te arnaiy syilyqqa ie boldy.
Qazaqstan qūramasy sapynda el namysyn qorǧaǧan astanalyq bişıler de jaqsy nätijelerımen quanta bıldı. Mäselen, arbamen bileitın Ardaq Otarbaev, Aidana Beglenova jäne Qarlyǧaş Tynabekova körermennıŋ közaiymyna ainaldy. Jeŋıs tūǧyrynan körıngen būl bişıler de «Qaisar tūlǧa» syilyǧyn aldy. Sondai-aq, bırqatar astana-lyq sportşylar arnaiy jüldelerge ie boldy. Atap aitqanda, Ruslan Ötebaliev «Sport ümıtı», Ardaq Otarbaev «Paralimpiadalyq sporttyŋ medialyq tūlǧasy», al Qarlyǧaş Tynabekova «Parasport aruy» atandy.
Astana qalasynyŋ Turizm, dene tärbiesı jäne sport basqarmasyna paralimpiadalyq sport türlerın damytuǧa qosqan ülesı üşın «Alǧys hat» tabys etıldı.
– Bızdıŋ sportşylardyŋ jeŋıstı nätijelerı – tek elordamyz ǧana emes, bükıl Qazaqstan üşın de ülken abyroi. Sportşylar men bapkerlerdıŋ atynan Astana qalasynyŋ äkımdıgıne alǧys aitamyn. Sportşylar olimpiadalyq lisenziialardy da jeŋıp aldy. Rio-de Janeiroda ötetın Paralimpiadalyq oiyndarda da osyndai üzdık nätijelerge qol jetkızetınımızge senımdımın, – deidı Astana qalasyndaǧy mümkındıgı şekteulı sportşylarǧa arnalǧan «Qaisar» sport klubynyŋ direktory Allabergen Aldoŋǧarov.
Ǧalym QOJABEKOV