Elorda turister üşın tartymdy qalanyŋ bırıne ainalyp otyr. Kün ötken saiyn säuletı men däuletı örkendegen elordamyzda san aluan halyqaralyq forumdar men bairaqty jarystar ötıp tūrady. Bügıngı taŋda bas qalamyzdyŋ şeteldık jäne otandyq turisterge tartymdylyǧyn arttyru üşın qajettı jaǧdai jasau Astana qalasy äkımdıgı jūmysynyŋ basymdy baǧyttarynyŋ bırı sanalady.
Jaqynda astanalyq turizmnıŋ sapasyn arttyruǧa arnalǧan bır ıs-şaranyŋ qorytyndysy şyǧaryldy. Önımder men qyzmet körsetu sapasymen erekşelengen elordalyq turistık kompaniialar «Visit Astana» serıktestık baǧdarlamasynyŋ alǧaşqy qatysuşylary atanyp, otandyq turizmnıŋ äleuetın arttyruǧa atsalysqany üşın saltanatty türde marapattaldy.
Is-şara «Visit Astana» baǧdarlamasy aiasynda alǧaş ret ötkızıldı. Būl baǧdarlama qalalyq turistık kompaniialar körsetetın qyzmettıŋ sapasyn arttyru jäne deŋgeiın jetıldıruge baǧyttalady. Onyŋ qatysuşylary retınde qaladaǧy qonaq üiler, qoǧamdyq tamaqtanu oryndary men turistık operatorlar tırkeldı.
Jiyndy «Atameken» ŪKP filialy, «Astana Invest» qalalyq investisiialardy damytu ortalyǧy» jäne «Qazaq turizm» ūlttyq kompaniiasy bırlesıp ūiymdastyryp, qatysuşylardy sertifikasiiadan ötkızdı.
«Astana Invest» qalalyq investisiialardy damytu ortalyǧy basqarma töraǧasynyŋ orynbasary Jalǧas Moljıgıt būl bastama älemdık täjıribe negızınde qolǧa alynǧanyn aitty.
Mekemelerdıŋ qyzmet deŋgeiın baǧalau nätijelerı boiynşa turistık saladaǧy 30 käsıporynnyŋ ışınde «Visit Astana» Comfort Excellent sanatynda «Rixos President Astana», «Sheraton Astana», «Radisson», «The Ritz-Carlton Astana», «The St. Regis Astana», «Astana Marriott», «Hilton Astana» qonaq üilerı marapattaldy. Al «Visit Astana» Taste Excellent sanatyna «Monocle», «DAMI» kafesı men «Eleven Gastrodom» meiramhanasy laiyq dep tanyldy.
Sondai-aq «Visit Astana» Comfort Plus belgısın «Ramada by Wyndham Astana», «Radisson», «Alanda», «Wyndham Garden Astana», «Goldman Empire», «Comfort Hotel Astana» qonaq üiı men «Balqaraǧai» demalys orny aldy. «Visit Astana» Taste Plus sanatynda ekı üzdık dep «Legends Pub» pen «Miata Edition» bary tanyldy.
«Aykun Hotel», «Ibis Astana», «Grace Point Hotel», «Hilton Astana Triumphal Arch», «Diplomat» qonaq üiı «Visit Astana» Comfort sanatynda top jardy. «Visit Astana» Taste belgısı «Mumtaz» meiramhanasy, «Nurorda Food» ashanalar jelısı, CULTÜRA Bar & Kitchen kafesıne berıldı.
Al «Empire Travel Qazaqstan» JŞS – «Visit Astana» Support sanatyndaǧy jalǧyz turistık operator.
«Rixos President Astana» qonaq üiınıŋ satu bölımınıŋ basşysy Viola Li ärbır qonaq üi üşın öz atyna sai bolatyn belgılı bır sapa standarttary bar ekenın atap öttı.
– Bız «Visit Astana» jobasynyŋ ideiasyn bırden qoldadyq. Būl – kez kelgen qala üşın, äsırese Astana üşın jaŋaşyl bastama. Bızdıŋ qonaq üi ırıkteuden ötıp, laiyqty marapatqa ie boldy. Sertifikat keluşılerdıŋ bes jūldyzdy qonaq üiden kütetın qyzmetterdı aluyn qamtamasyz etedı. Ärine, osy arqyly köptegen qonaq pen turistı tartuǧa mümkındık bolady, – dedı ol.
«Visit Astana» baǧdarlamasynyŋ taǧy bır artyqşylyǧy – sertifikasiiadan ötken kompaniialar respublikalyq deŋgeide üzdık dep tanylyp qana qoimai, şeteldık turisterdıŋ arasynda jarnamalanyp, ūiymdastyruşylar tarapynan qoldau tabady.
