Astana üzdıkterı anyqtaldy
Bas qala tūrǧyndarynyŋ ışınen öz ısıne adal, eŋbegı halyqtyŋ köŋılınen şyqqan jandardy köpşılıkke tanytudy maqsat etken «Astana taŋdauy» baiqauy öz märesıne jettı. Qala tūrǧyndary üdeden şyqqan üzdıkterdıŋ esımın anyqtady.
Osydan bır jarym ai būryn bastalǧan baiqauǧa qala tūrǧyndarynan 170 ötınım kelıp tüsken. Elordalyqtar Astana qalasy äkımdıgınıŋ saityna kırıp, özderı qalaǧan mamandyq ielerıne onlain rejimınde dauys berdı.
Jiyrma künnıŋ ışınde dauys beruge 90 myŋǧa juyq adam qatysqan.
Sonymen, jeŋımpazdardyŋ esımın atasaq, «Üzdık pedagog» ataǧynyŋ iegerı Raiymbek batyr atyndaǧy №50 «Qazǧaryş» mektep-liseiınıŋ mūǧalımı Rabiǧa İmanqūlova boldy. Oǧan jiyrma myŋnan astam adam dauys bergen. Adam janyna araşa tüsetın därıgerler qaşan da qūrmetke laiyq. №1 Qalalyq auruhana qyzmetkerı, 23 jyldyq eŋbek ötılı bar Marat Abdulov «Üzdık därıger» atalymynda jeŋımpaz dep tanyldy.
Tärtıp saqşylarynyŋ arasynan «Üzdık uchaskelık inspektor» ataǧyn Saryarqa audanynyŋ 24 jastaǧy uchaskelık inspektory Mūrat Şirtaev ielendı. «№1 Avtobus parkınıŋ» qoǧamdyq kölık jürgızuşısı Qanat Qūltaev öz salasynyŋ üzdıgı atandy. Jol jöndeuşı Viacheslav Şevchenko būl baiqauda 72 dauys aldy. Osy jetıstıkpen «QazaqAvtojol» Aqmola filialynyŋ qyzmetkerı, 32 jyldyq eŋbek ötılı bar qūrmettı azamat «Üzdık jolşy» atandy. «Astana-Jylutranzit» AQ-nyŋ Retteu jäne tūtynuşylardy esepke alu qyzmetınıŋ bastyǧy Rauza Käkımova «Energetik» atalymy boiynşa üzdıkter qatarynan körındı. Al üzdık qūrylysşyǧa – 1 734 adam dauys bergen. Mūndai ataqqa «Altyn HHI» JŞS qyzmetkerı Sündet Izbasarūly Ümbetov ie boldy.
Osylaişa jetı mamandyqtyŋ üzdık ökılderı elge tanymal boldy.
Astana äkımdıgı saityndaǧy halyqtyq dauys beru jüiesı tek bır adamǧa bır ret elektrondy dauys beruge mümkındık tuǧyzdy. Osy tūrǧydan alǧanda, dauys beru öte şynaiy jäne ädılettı öttı.
Jalpyqalalyq «Astana taŋdauy» baiqauynyŋ jeŋımpazdary 6 şılde künı Kongress-holl saraiynda arnaiy marapattalady.
Gülmira Aimaǧanbet