Jaŋa oqu jyly qarsaŋynda qalalyq alaŋda mektep jabdyqtaryn satuǧa arnalǧan järmeŋke öttı. Ekı künge sozylǧan şaraǧa 10 myŋdai adam qatysyp, 17 mln 900 myŋ teŋgenıŋ tauary satyldy.
Jyl saiyn dästürge ainalǧan joba mektepke kerek jabdyqtardy halyqqa tömendetılgen baǧamen ūsynudy közdeidı. Mektep järmeŋkesınde Astana, Almaty, Qaraǧandy jäne Şymkent qalalarynyŋ öndıruşılerı öz tauarlaryn ūsyndy. 21 sauda orny qūrylyp, onda mektep formasy, sporttyq kostiumder men aiaq kiımder jäne keŋse zattary men kıtaptar 10-50% jeŋıldıkpen satyldy.
«Biylǧy järmeŋkege 13 otandyq jäne 1 şeteldık käsıporyn qatysty.
Tūrmysy tömen jäne köp balaly otbasylarǧa kömektesuge baǧyttalǧan şarada mektep qūraldary men kiımder naryqtaǧy baǧadan arzan satyldy.
Järmeŋke kezınde halyqqa keŋes beretın qoǧamdyq qabyldau bölımı jūmys ıstedı. Ondaǧy mamandar mektepke qabyldau, oqulyq, kiım mäselesıne qatysty köpşılıktıŋ saualdaryna jauap berdı.
Sonymen qatar, Oquşylar saraiynyŋ, muzyka jäne öner mektepterı ūjymdarynyŋ qatysuymen konserttık baǧdarlama ūsynyldy. Mūnyŋ bärı jyl saiynǧy «Mektepke jol» respublikalyq aksiiasy aiasynda öttı», – dedı qalalyq Bılım basqarmasynyŋ Kämelet jasqa tolmaǧandardyŋ qūqyqtaryn qorǧau bölımınıŋ basşysy Läzzat Orynbasarova.
Gülmira ŞARHANQYZY
