El tynysy

Astanadaǧy üş auysymdy mektepterdıŋ qanşasy qazaqşa bılım beredı?

Astana qalasyndaǧy memlekettık mektepterdıŋ 35-ı qazaq tılınde, 3-ı orys tılınde, 64-ı aralas tılde bılım beredı, dep habarlaidy astana-akshamy.kz

Astana qalasynyŋ bılım basqarmasy Kazinform saualyna bergen jauabynda elordadaǧy üş auysymmen jäne şamadan tys jüktememen oqytatyn mektepterdıŋ oqytu tılı jönınde mälımet berdı.

«Jyl saiyn tuu men köşı-qon esebınen mektep oquşylarynyŋ sany artu üstınde. Soǧan sai Astanada üş auysymda oqytatyn 8 mektep bar. Onyŋ ışınde bıreuı memlekettık tılde oqytady. Aralas mektepterdegı 13 774 bala orys synybynda, 14 152 bala qazaq synybynda synybynda oqidy. 16 mektepte bala sany şamadan artyq, onyŋ ışınde üşeuı memlekettık tılde oqytady. Ondaǧy aralas mektepterdegı 21 907 bala – orys synybynda, 22 498 bala – qazaq synybynda oqidy» delıngen basqarmanyŋ jauabynda.

Qazırgı taŋda qaladaǧy memlekettık mektepterdıŋ 35-ı qazaq tılınde, 3-ı orys tılınde, 64-ı aralas tılde bılım beredı.

«Qaladaǧy memlekettık tılde oqytatyn 35 mekteptıŋ bıreuı üş auysymmen, üşeuı şamadan tys jüktememen, 31-ı jobalyq quatyna sai jüktememen jūmys ıstep tūr. Orys tılınde oqytatyn 3 mektep jobalyq quatyna sai jüktememen jūmys ısteude. 64 aralas mekteptıŋ 7-uı üş auysymmen, 12-sı şamadan tys jüktememen, 45-ı standartqa sai jüktememen jūmys ısteidı» dep jazylǧan jauapta.

Taǧyda

admin

«Astana aqşamy» gazetı

Ūqsas jaŋalyqtar

Back to top button