Astana qalasy Kommunikasiia qyzmetınıŋ baspasöz ortalyǧynda qalalyq dene şynyqtyru jäne sport basqarmasynyŋ basşysy Samat Jylqybaev onlain brifing berıp, 2022 jyldy qorytyndylady
Basqarma basşysy astanalyq sportşylardyŋ aituly jeŋıstıgı turaly keŋınen toqtaldy. Onyŋ ışınde, tennisşı Elena Rybakinanyŋ Ülken dulyǧa turnirınde jeŋıske jetkenın erekşe atady. Tennis sportyndaǧy jarqyn jetıstık būl ǧana emes. Jyl qorytyndysymen Albina Kakenova 14 jasqa deiıngı qyzdar arasynda Aziia tennis federasiiasynyŋ reitingısınde köş bastasa, Temırlan Kärım ATF-tıŋ jasöspırımder arasynda köşbasşysy atandy.
– Bızdıŋ sportşylar şahmat, gimnastika, boks, erkın küres, jüzu men eskek esu, jeŋıl men auyr atletikadan biık tūǧyrdan körındı. Almaty qalasynda ötken älem chempionatynda Dinara Säduaqasova rapid boiynşa kümıs jüldeger atandy. Şahmatşy Bibısara Asaubaeva 17 jasynda eŋ jas älem chempiony atanyp, Ginnestıŋ rekordtar kıtabyna endı.
Jüzgış Ädılbek Musin 100 metrge batterfliai ädısımen jüzude eldıŋ rekordyn jaŋartty. Tarihi sät Melburnde ötken älem chempionatynda oryn aldy. Ammanda ötken Aziia chempionatynda Sanjar Taşkenbai men Aibek Oralbai altynnan alqa taqsa, Nūrbek Oralbai kümıs medal, Läzzat Küngeibaeva qola medaldı qanaǧat tūtty. Jerlesımız Timur Fomichev pen Iаroslav Melnikov Tailandta ötken Aziia chempionatynda ekı būrylmaly ainalym boiynşa eskek esuden daralandy. Meksikada älemnıŋ üzdık auyr atletterı bas qosyp, būl synda Edıge Ember qarsylastarynan qara üzdı. Jerlesterdıŋ jetıstıgı mūnymen şektelmedı. Qos bişı Maksim Jilenkov pen Arina Molochnikova Latviiadaǧy älem chempionatynda myqty ekenın moiyndatsa, apaly-sıŋlı jeŋıl atletşı Kolodalar Kuveitte jalauy jelbıregen Aziia chempionatynda chempion atandy. Karate-do WKF-ten elorda tarihynda Nikol Sengel alǧaşqy altyn medaldı aldy, – dep astanalyq sportşylardyŋ jetıstıgın saralady basqarma basşysy.
Keiıngı jyldary elordada paralimpiada sporty qarqyndy dami bastady. Astana qalasy mügedek sportşylarǧa arnalǧan sport mektebınıŋ ökılı Siiazbek Daliev Portugaliiada ötken paraplaning boiynşa älem chempionatynda üşınşı orynǧa tūraqtady. Braziliiada ötken HHIV Surdlimpiada oiynynda dziudoşy Sabyrjan Hapizov pen üstel tennisınen Vladimir Nesterov jüldeger atandy. İtaliiada ötken parakarate boiynşa älem chempionatynda Läzzat Jüsıpova men Didar Mūhamedjanov jeŋımpaz atandy. Al Aqmaral Nauatbek pen Erǧali Şamei paralimpiadalyq dziudodan älem chempiony boldy. Bızdıŋ jerlesımız Aqmaral Nauatbek äielder paradziudosynda älem chempiony atanǧan alǧaşqy qazaqstandyq retınde tarihqa endı. Malaiziiada estu qabıletı būzylǧan oiynşylar arasynda futzaldan älem chempionaty öttı. Būl turnirde Qazaqstan kümıs jüldeger atandy. Bonkogta para-hokkeiden älem chempionatynda astanalyq erekşe jandardan qūrylǧan Qazaqstan komandasy da kümıs medaldı qanaǧat tūtty.
Sportşylardy jetıstıkke jetelegen sala mamandarynyŋ eŋbegı de laiyqty baǧalanǧany quantty.
– «Jeŋımpaz ruhy» ūlttyq sport syilyǧynyŋ jeŋımpazy qatarynda astanalyq sportşylar men bapkerler moiyndaldy. «Jyldyŋ üzdık sportşysy» nominasiiasy – Jämila Baqbergenovaǧa būiyrsa, onyŋ jeke jattyqtyruşysy Nūrsūltan Temırov «Jyldyŋ üzdık jattyqtyruşysy» atandy. Al İrina Novikova «Dene şynyqtyru jäne sport bölımınıŋ üzdık mamany» nominasiiasyna ie boldy, – dedı Samat Jylqybaev.
Būqaralyq sporttyŋ damuynda sportşylardyŋ jarysqa jiı-jiı qatysuy maŋyzdy rölge ie. Äsırese, öz elınde halyqaralyq turnirler ötetın bolsa, sportşynyŋ jauapkerşılıgı artyp, janküierlerınıŋ aldynda jaqsy öner körsetuge baryn salady. Mūnyŋ bärı sportşyny ösıredı. Qazaqstanda ötetın Aziia jäne älem chempionatynyŋ basym köpşılıgı Astana qalasynda ötetını belgılı. Sondai bairaqty bäsekenıŋ bırı – 170-ke juyq Aziianyŋ üzdık dziudoşysyn jinaǧan Aziia chempionaty boldy. Jaqsylyq Üşkempırov atyndaǧy jekpe-jek saraiynda qazaq dziudoşylary tabysty öner körsettı. Sondai-aq qazaq küresınen älem chempionaty joǧary deŋgeide ötkenın aitu kerek. Alǧaş ret erkın küresten halyqaralyq Wrestling stars turnirı ötıp, onda Resei, Angliia, Özbekstan, Qyrǧyzstan, Rumyniia, Ekvador, Täjıkstannyŋ kıl myqty baluany baq synady.
Ämin Tūiaqovtyŋ jüldesıne arnalǧan alǧaşqy halyqaralyq turnirı jeŋıl atletikanyŋ 15 türınen erler men äielderdıŋ üzdıgın anyqtady. Būl jarysta ardager sportşylar da baq synady.
Būqaralyq sportty damytuda sport ǧimaratynyŋ infraqūrylymyn uaqyt talabyna sai etu maŋyzdy. Keiıngı jyldary aulalyq sport dami bastady.
Astanada ADD Table Tennis Center Astana üstel tennisı ortalyǧy aşyldy. Elordada alǧaş ret boks ortalyǧy, körkem gimnastika ortalyǧy, jekpe-jek ortalyǧy jäne jekpe-jek zaly aşyldy. Būl ortalyqtardaǧy jattyǧular qalanyŋ barlyq qūrama komandalary men sport mektepterınıŋ sportşylary üşın tegın. «Tolqyn» sport keşenı men «Jastar» saraiynda jöndeu jūmysy jürgızıldı. «Qazaqstan» sport keşenınde qaita jöndeu jäne jaŋǧyrtu jūmysy jürıp jatyr. Bükıl halyqtyŋ jappai dene şynyqtyrumen bırdei qoljetımdılıgın qamtamasyz etu maqsatynda «Köktal-2» jäne «Öndırıs» tūrǧyn alaptarynda ekı dene şynyqtyru-sauyqtyru keşenı paidalanuǧa berıldı. «Köktal-2» jäne «Öndırıs» eldı mekenderınde dene şynyqtyru-sauyqtyru keşenderı aşyldy.
Mamandandyrylǧan sporttyq medisinalyq ortalyq pen «Arǧymaq» atty sauyqtyru keşenı aşyldy. Sporttyq medisinalyq ortalyq sporttyq medisina, denenı qalpyna keltıru jäne qalpyna keltıru salasyndaǧy eŋ zamanaui qūral-jabdyqtarmen jabdyqtaldy. Türlı deŋgeidegı jarystardy, oqu-jattyǧu prosesın medisinalyq qamtamasyz etedı.
Biyl «Ürker», «Temırjolşylar» tūrǧyn aumaǧyndaǧy dene şynyqtyru-sauyqtyru keşenınıŋ esıgı aşylady. Jaŋa formattaǧy köpfunksionaldy sport ortalyǧy da paidalanuǧa berıledı.
