Elbasy Nūrsūltan Nazarbaev «Astana Bas jospary» ǧylymi-zertteu jobalyq institutynda bolyp, elordanyŋ aldaǧy damu baǧdaryn talqylady.
Akorda.kz habarlaǧandai, Memleket basşysyna Astana qalasynyŋ 2030 jylǧa deiıngı bas josparyna engızılgen tüzetuler men astanalyq aglomerasiiany qalyptastyru jobasy jönınde jäne elordanyŋ jaŋa kölık jüiesın qūru barysy baiandaldy.
Būǧan qosa, jiynda Orynbor köşesın, jaŋa temırjol vokzalyn salu tūjyrymdamasy men «Nūrly jol» bulvarynyŋ ekınşı kezegınıŋ jobasy turaly aityldy.
BAQ ökılderıne arnalǧan brifingte Memleket basşysy elordanyŋ qūrylysy ıs jüzınde 10 jyl ışınde jüzege asqanyn atap öttı.
– Qalaǧa qajettınıŋ bärı 2008 jylǧa deiın salyndy. Ocydan keiıngı kezeŋde Astananyŋ damuy jeke investorlardyŋ qatysuymen jalǧasty. Qazırgı kezde jan basyna şaqqandaǧy eŋ köp investisiia elordaǧa tiesılı. Astananyŋ el ekonomikasyn damytuǧa qosqan ülesı jyl saiyn ösıp keledı. Bügınde elorda – barşa qazaqstandyqtardyŋ maqtanyşy. Halqynyŋ sany 900 myŋ adamǧa jettı. Būryn mūny boljaudyŋ özı qiyn bolatyn. Qala elımızdıŋ şyn mänındegı äkımşılık, mädeni, ıskerlık, bılım jäne medisina ortalyǧyna ainaldy, – dedı Qazaqstan Prezidentı.
Nūrsūltan Nazarbaev Astanany salu jäne abattandyru jūmystary ärı qarai jalǧasatynyn jetkızdı.
– Qandai kemşılıkter bar ekenın, sonyŋ ışınde kölıkter tūraǧyna bailanysty mäseleler bar ekenın jaqsy bılemız. Onyŋ bärı mındettı türde şeşıledı. Taiaudaǧy mol jauyn su sorǧy kärızderıne qatysty tüitkılderdıŋ bar ekenın körsettı. Onymen de jūmys jürgızu qajet. Sonymen qatar, balabaqşalar men mektepter salu jaiyna da nazar audaru kerek. Qalanyŋ ärı qarai damu keleşegı EKSPO-2017 aumaǧy men onyŋ ainalasyndaǧy köşeler qūrylysyn, Suly-jasyl jelektı bulvardy abattandyru, jaŋa saiabaqtar, sonyŋ ışınde 100 gektar aumaqta Botanikalyq baq salu josparyn qamtidy. Būl jūmystardyŋ barlyǧy elımızdıŋ tura ortalyǧynda boi köterıp, mülde jaŋa megapolistıŋ qalyptasuyna negız qalaidy Mūnyŋ bärı qazaqstandyqtardyŋ igılıgıne qyzmet etetın bolady, – dedı Memleket basşysy.
