Jaŋalyqtar

Astarly äzıl alaŋy

Qai merekege de belsendı atsalysyp jüretın elordanyŋ jolauşylar tasymaldau käsıporyndary būl joly Täuelsızdıktıŋ 21 jyldyǧy qūrmetıne köŋıldı tapqyrlar kluby oiynyn ūiymdastyrdy.

Politehnikalyq kolledj ǧimaratynda ötken jarysqa №1,2,3,4 avtobus parkterı men «Jorǧa» jäne «Temır tūlpar» JŞS komandalary qatysty. Avtobus jürgızudı ǧana bıletındei körınetın kölık mekemelerınıŋ qyzmetkerlerı saiys barysynda äzıl-qaljyŋǧa da şeber, önerden de qūralaqan emestıgın aŋǧartty. Kölık jürgızuşılerı men konduktor qyz-jıgıtter täuelsızdıgımızdıŋ tarihy men maŋyzyn beineleitın körınıster qoiyp, osynau mereilı merekemızdıŋ keide Jaŋa jyl meiramynyŋ köleŋkesınde qalyp qoiatynyn da syn tezıne aldy.

Täuelsızdık alǧaly älı künge deiın memlekettık deŋgeige jete almai jatqan qazaq tılınıŋ jai-küiı de KTK komandalarynyŋ astarly äzılderıne arqau boldy. Ädemı äzılder men şynaiy külkıge qūrylǧan köŋıldı jarys №2 avtobus parkı komandasynyŋ jeŋısımen aiaqtaldy. Ekınşı oryndy №1 avtobus parkı enşılese, üşınşı orynǧa №4 avtobus parkı laiyq dep tanyldy.

Q.Nūrǧali

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button