Biylǧy Halyqaralyq qarttar künı merekesı Saryarqa audandyq ardagerler keŋesınıŋ 10 jyldyq mereitoiymen tūspa-tūs keldı. Osyǧan orai, atalmyş audan äkımdıgınde saltanatty şara öttı.
Bügıngı taŋda Saryarqa audanynda 25 000 zeinetker tırkelgen. Olardyŋ arasynda 103-ı Ūly Otan soǧysyna qatysqan. Jalpy, audandyq ardagerler keŋesınıŋ janynda 124 bırlestık bar. Olar egde adamdardyŋ bos uaqyttaryn tiımdı ötkızıp, türlı qoǧamdyq şaralarǧa qatysuyna mūryndyq bolyp keledı. Osylaişa, audandaǧy köp zeinetker qūrmettı demalysqa şyqsa da, älı de el igılıgı üşın eŋbek etıp, jastarǧa ülgı-önege körsetude. Osy jönınde keŋınen äŋgımelei kele, audandyq ardagerler keŋesınıŋ töraǧasy Äbenǧappas Ahmetov atqarylyp jatqan jūmystar turaly baiandady. Onyŋ aituynşa, audan ardagerlerı jyl saiyn Astanada ötkızıletın senbılıkterge qatysyp, elordamyzdyŋ güldenıp-körkeiuıne üles qosumen bırge, aituly merekelerge orai ūiymdastyrylatyn mazmūndy da qyzyqty şaralarǧa qūrmettı qonaq retınde şaqyrylady. Sondai-aq, Elbasynyŋ jyl saiynǧy Qazaqstan halqyna arnaǧan Joldauyn talqylauǧa belsene atsalysady. Būl tūrǧyda qariialar jaiy Prezidentımızdıŋ dästürlı halyqqa Joldauynda nazardan tys qalǧan emes.
Odan ärı Respublikalyq ardagerler ūiymy ortalyq keŋesı töraǧasynyŋ orynbasary Bekbolat Mūqyşev zalda otyrǧan ärıptesterıne qarap: «Sızderdı egde adamdar deuge mülde auzym barmaidy. Özımdı qūddy bır komsomoldar ūiymynyŋ kezektı otyrysynda otyrǧandai sezınıp tūrmyn» dedı. Al, qalalyq ardagerler keŋesınıŋ töraǧasy Amangeldı Syzdyqov zeinetkerlerdıŋ egde tartqandaryna qaramastan, bolaşaq üşın, el üşın aianbai eŋbek etıp kele jatqanyn, memleket te olardy qamqorlyqqa alyp, bar mümkındıktı jasap otyrǧanyn aita kele, sol üşın qala basşylyǧyna alǧysyn jetkızdı.
Saryarqa audany ardagerlerınıŋ keŋesı qūrylǧan kezde qazırgı «Nūr Otan» partiiasy Astana qalalyq filialy töraǧasynyŋ bırınşı orynbasary Sapar Ahmetov sol audannyŋ äkımı bolatyn. Sondyqtan da äu bastan osyndaǧy barlyq ısterdıŋ basy-qasynda bolǧan ol keŋes jūmysyna jaqsy qanyq ekenın aita otyryp, on jyl ışınde elordada atqarylǧan jūmystar men tärbielık ıs-şaralarǧa, äsırese «Ardagerlerdı ardaqtaiyq» aksiiasynyŋ maŋyzdylyǧyna toqtaldy.
Bas qaladaǧy zeinetkerler men ardagerlerge körsetılıp jatqan kömekter men jeŋıldıkter de jeterlık. Osy jönınde äŋgımelegen qalalyq Jūmyspen qamtu jäne äleumettık baǧdarlamalar basqarmasy basşysynyŋ mındetın atqaruşy Läzzat Äbuova jyl ötken saiyn zeinetkerler qatarynyŋ köbeiıp kele jatqanyn jetkızdı. Onyŋ aituynşa, 2007 jyly elorda zeinetkerlerınıŋ sany 37 myŋ bolsa, 2012 jyly olardyŋ qatary 52 myŋǧa jetken. Al, bügıngı taŋda Astanada 63 myŋ zeinetker bar.
Söz alǧandardyŋ barlyǧy da audan zeinetkerlerın atauly künmen şyn jürekten qūttyqtap, audan äkımı E.Bölekpaevtyŋ atyna alǧystaryn aityp, ardagerlerge ızgı tılekterın bıldırdı. Belsendı zeinetkerler alǧys hattarmen marapattalyp, aǧa buyn ökılderınıŋ qūrmetıne «Astana-plaza» meiramhanasynda dastarqan jaiyldy.
Gülbarşyn ÖKEŞQYZY
