Qalalyq jolauşylar tasymalynda özgerıster enedı. Endı avtobustarda jürgızuşılerdıŋ hal-jaǧdaiyn monitoringten ötkızetın jüie ornatylady. Zamanaui jüie qoǧamdyq kölıktıŋ qauıpsızdıgıne män berıp, qyzmet sapasyn arttyruǧa yqpal etedı.
Osy jönınde «Astana LRT» JŞS basqarma basşysynyŋ orynbasary Beibıt Esjanov brifing ötkızdı. Ol kompaniianyŋ azamattardan tüsetın şaǧymdardyŋ sany ötken jyldyŋ säikes kezeŋımen salystyrǧanda 60 paiyz, qoǧamdyq kölık salasynda jürgızuşıler tarapynan bolatyn qūqyq būzuşylyqtardyŋ sany 31,9 paiyzǧa qysqarǧanyn aitty. Jürgızuşıler tapşylyǧyna qatysty körsetkış ötken jylmen salystyrǧanda 22 paiyzǧa tömendegen.
«Degenmen jürgızuşıler qazırdıŋ özınde tapşy. Būl bügın qoǧamdyq kölıkte qyzmet körsetıp jürgen jürgızuşılerdıŋ tez şarşauyna, olardyŋ qozǧalys kezındegı zeiınınıŋ tömendeuıne äkep soqtyrady. Bız avtoparktarmen bırlesıp, atalmyş mäselenı şeşıp jatyrmyz. Būl rette, sandyq tehnologiialardy engızu joldary da nazardan tys qalmaidy» dedı ol. Sonymen qatar, ekı avtobusta pilottyq joba aiasynda arnaiy onlain-monitoring jüiesı ornatylatyn bolady. Olardyŋ bırı – «Jürgızuşılerdıŋ şarşauyn baqylau jüiesı», ekınşısı – «Ainala şolu jüiesı». Alǧaşqysy jürgızuşınıŋ bet qimyly, kölıktı qalai basqaryp kele jatqany, onyŋ kölıktı būdan ärı jürgıze alatyndyǧy nemese almaityndyǧyna qatysty aqparatty dispetcherge jıberuge mümkındık beredı. Būl jüie älemnıŋ barlyq elderınde jūmys ısteidı. Qauıpsızdık pen adam ömırı bız üşın eŋ basty faktor bolǧandyqtan, bız ony Qazaqstanda da engızgımız keledı» dep mälımdedı IQ global corporation LLP direktorlar keŋesınıŋ müşesı Erlan Kakenov. Ekınşı jüie zamanaui avtomobilderde keŋınen qoldanylady. Ol jürgızuşınıŋ ūiyqtap ketuıne jol bermei, adamnyŋ ūiqysy kelgenın anyqtaǧan boida, dırıldep, dybystyq belgıler bere bastaidy. «Būl, şyndyǧyna kelgende, qarapaiym jüie. Desek te, joldardaǧy apatty jaǧdailardyŋ sanyn aitarlyqtai tömendetuge mümkındık beredı. Mūndai jüienıŋ arqasynda kölıktı basqarǧan adamnyŋ ūiyqtap ketu faktısıne oryn joq» dedı spiker.
