Basty aqparatMädeniet

«AIаLAǦAN ASTANA» JEŊIMPAZY ANYQTALDY

Astana künıne arnalǧan merekelık şaralar aiasynda bügın «Aialaǧan Astana» respublikalyq än baiqauynyŋ jeŋımpazy anyqtaldy. Endı «Artek» lagerındegı balalardyŋ «Jaŋa tolqyn-2016» halyqaralyq konkursynda el namysyn astanalyq Jänel Säduaqas qorǧaityn boldy.

KBB_6559

Astana qalasy äkımdıgınıŋ qoldauymen osymen törtınşı ret şymyldyǧyn türgen dästürlı muzykalyq jobanyŋ aqtyq kezeŋıne Qazaqstannyŋ tükpır-tükpırınen kelgen 11 bala qatysty. Bır-bır ännen oryndaǧan ümıtkerlerdıŋ önerın qazaqstandyq estrada änşılerı Qūrmaş Mahanov, Gülnūr Orazymbetova, Serık İbragimov, sondai-aq «Novaia volna» jäne «Detskaia novaia volna» konkurstarynyŋ direktory Aleksandr Rumiansev pen «Aialaǧan Astana» än baiqauynyŋ bas prodiuserı Lina Arifulina 10 ūpailyq jüiemen baǧalady.

KBB_6459

KBB_6502

Jas talanttardy tanytatyn televiziialyq joba «Qazaqstan» ūlttyq telearnasynyŋ tıkelei efirınde körsetıldı. Tartysty bäigede Mariia Zatvarniskaia (Pavlodar), Nūrdäulet Tılekqabyl (Atyrau) jäne Arujan Saǧynǧalieva(Maŋǧystau oblysy) eŋ joǧary körsetkış – 50 ball jinady. Alaida körermender bergen sms-dauystardyŋ arqasynda astanalyq Jänel Säduaqas jalpy ūpai sany boiynşa bärınen top jardy. Oǧan jeŋıs äkelgen Bäkır Täjıbaevtyŋ sözıne jazylǧan Seidolla Bäiterekovtıŋ änı – «Äliia». Qazylar alqasynyŋ aituynşa, Jänel äigılı «Äliia» änıne özındık boiauyn berıp, ädemı milizmderdı qosyp, zamanaui türde şyrqady.

KBB_6563

Baiqau şarty boiynşa qatysuşylar «Red Jam» muzykalyq tobynyŋ süiemeldeuımen jandy dauysta än salǧan bolatyn.

«Ärtıstı taŋdau oŋaiǧa soqqan joq. Talaptary taudai, talanttary ülken ümıt küttıretın balalar eken. Mäselen, Arujan bärımızdı ornymyzdan tık tūrǧyzyp, zor qoşemetımızge bölendı» dep tamsandy jas önerpazdardyŋ oryndauşylyǧyna Aleksandr Rumiansev.

KBB_6606

Özınıŋ keŋ diapazonymen jūrtty täntı etken Arujan Saǧynǧalieva da jüldeden qūr qalmady. Ol «Qazaqstan» respublikalyq teleradiokorparasiiasynyŋ arnaiy jüldesımen marapattaldy.

          Mädina JAQYP

Taǧyda

Ūqsas jaŋalyqtar

Pıkır üsteu

Back to top button