Bızdıŋ ata-babamyz türlı qanqūily soǧysty basynan ötkerdı. Olardyŋ eŋ soŋǧysy Ūly Otan soǧysy boldy. Soǧysqa qatysqan atalarymyz – ūrpaqtarynyŋ, iaǧni, bızdıŋ beibıtşılıkte ömır süruımızdı qalady. Uaqyt ötken saiyn Jeŋıstıŋ maŋyzy artyp keledı. Atalardyŋ erlıkterı – bügıngı ūrpaqqa önege.
Menıŋ de ülken atam Ötepbek Tastanbekov 1920 jyly qazırgı Oŋtüstık Qazaqstan oblysynyŋ Bäidıbek audanyndaǧy Arystandy özenı boiyndaǧy Qyzylaryq degen jerde tuylǧan. Alty jasynan äke-şesınen bırdei jetım qalyp, tuysqandarynyŋ qolynda tärbielenedı.
Sodan jetım balalar üiınde tärbielene jürıp, Şymkent qalasyndaǧy Qorǧasyn zauytynda jūmys ısteidı.
1940-1941 jyldary arnauly äskeri daiyndyq mektebınen ötkennen keiın maidanǧa jıberıledı. 1941 jyly jau qolynda qalǧan Ukraina jerın azat etuge attandyrylady. Partizan qozǧalysynyŋ qūramynda bolyp Zakarpatia, Moldaviia, Rumyniia, Chehoslovakiia jerın nemıs basqynşylarynan azat etuge qatysyp, köptegen kürdelı operasiialardy jüzege asyruǧa atsalysty. Atam Ötepbek Tastanbekov özın öjet, tapqyr jäne qaitpas qaisar jauynger retınde körsettı. Ol qūramynda bolǧan otriad köptegen operasiialardy sättı jüzege asyryp jauǧa soqqy berdı. Ūly Otan soǧysy kezındegı erlıkterı üşın köptegen orden jäne medaldarmen marapattaldy.
Soǧystan keiın beibıt eŋbekke aralasyp, qazırgı Oŋtüstık Qazaqstan oblysy Bäidıbek audanynda qūrylǧan Alǧabas sovhozynda köp jyldar eŋbek ettı. Ülken äjem Ainaş Süleimenqyzymen bırge ekı ūl, ekı qyz ösırıp, on ekı nemere, qyryqtan astam şöberelerı ızderın jalǧastyruda. Bızderge osyndai jaimaşuaq, beibıt ömır men baqytty sätterdı syilaǧan atalarymyz ben apalarymyzǧa är kezde de boryştarmyz. Babalarymyzdyŋ bızder üşın jasaǧan eren erlıkterıne ärkez taǧzym etuden jalyqpaimyz.
Baqdaulet MŪRATBEKOV,
Ǧ.Ormanov atyndaǧy mektep-gimnaziianyŋ 3-synyp oquşysy
