Astanada Ūly Jeŋıstıŋ 70 jyldyǧyna arnalǧan «Ajaldy jeŋgen polk» atty patriottyq şara ötedı.
Astana qalasy äkımdıgı jäne «Jas Otan» jastar qanatynyŋ qoldauymen ötetın aituly şara jönınde negızgı ūiymdastyruşylardyŋ bırı – Astana qalasynyŋ «Auǧanstan soǧysy mügedekterı men ardagerlerı odaǧy» qoǧamdyq bırlestıgınıŋ töraǧasy Serık Kenjebekov tüsınık berdı:
«Ajaldy jeŋgen polk» («Bessmertnyi polk») aksiiasynyŋ basty maqsaty – soǧys barysynda qaza tapqan otandastarymyzǧa taǧzym jasau. Atap aitqanda, 9 mamyr künı, iaǧni Jeŋıs merekesınde elordamyzdaǧy «Auǧanstan soǧysynda qaza bolǧan qazaqstandyqtar memorialy» janynan bastalatyn şeru «Otan qorǧauşylar» alaŋyndaǧy «Otan Ana» eskertkışıne deiın barady. Şeruge qatysuşylar qoldaryna A3 formatynda jasalǧan portretter ūstap jüredı. Portretterde soǧys kezınde, sonymen qatar, beibıt ömırde qaitys bolǧan Ūly Otan soǧysy maidangerlerı men Auǧanstanda internasionalistık boryşyn öteu barysynda qaza bolǧan jauyngerlerdıŋ suretterı beinelenedı. Mıne, osyndai aksiia arqyly bız bügıngı jas ūrpaqqa ardagerler erlıgın jetkızudı, sol arqyly barşa qazaqstandyqtardyŋ boiyna otandyq patriotizm sezımın daryta tüsudı közdeimız. Taǧy bır aitarymyz, osyndai aksiiany elımızdıŋ basqa qalalarynda da ötkızu josparlanyp otyr».
Auǧanstan soǧysy ardagerlerı ūiymdarynyŋ bastamasymen ötkızıletın aituly osyndai patriottyq aksiiaǧa qalamyzdyŋ kez kelgen tūrǧyny qatysa alady. Ol üşın 9 mamyr künı Ūly Otan soǧysyna qatysqan maidanger ataŋyzdyŋ nemese Auǧanstan soǧysynda qaza bolǧan aǧaŋyzdyŋ suretın A3 formatyna tüsırıp, şeruge qosylyŋyz. Būl sızdıŋ Otan üşın ot keşken jaqynyŋyzǧa degen zor qūrmet bolmaq.
Ǧalym QOJABEKOV
