Basty aqparat

Balalar baqytty boluǧa jaralǧan

cdf2d693-eee0-481e-8420-d3cf85bd1583

Baiaǧyda bır balasy etegınen tartyp, bırı aiaǧyna oralyp, äbden mazasyn qaşyrǧan jeŋgeme janym aşyp: «Bärın töbeden bır-bır qoiyp, nege otyrǧyzyp qoimaisyz?» degenım bar. Balalyqpen aitqan sözıme bır jymiǧan jeŋgem: «erteŋ balaly bolǧanda senı de körermın» degenı esımde. Rasymen, keiın özımız otbasyly bolǧanda, ışten şyqqan balaŋnyŋ ystyq, är jasaǧan būzyqtyǧynyŋ özı tättı bolatynyn sezıngen edık. Tıptı, özgenıŋ kışkentaiyn körsek, özımızdıkıdei erkeletetın boldyq.

İä, bar baqytymyz da, qyzyǧymyz da, küibeŋ tırşılıktıŋ köleŋkelı sätterın ūmyttyratyn da – balalarymyz. Qazaq bailyǧyn qorasyndaǧy malymen emes, bauyryndaǧy balasymen ölşegenı beker emes. Bala köbeise, būl bır otbasynyŋ qūt-berekesı ǧana emes, küllı eldıŋ bailyǧy, ūlt demografiiasyna dem berer jemısı.

Balanyŋ bötenı joq. Jer betındegı barlyq jetkınşek baqytty boluǧa laiyq. Al baqyttyŋ kıltı – aldymen ata-ananyŋ qolynda. Är äke-şeşe bauyr etı balasyna meiırımın tögıp, bılım berıp, jüregıne imandylyq närın qūiyp, sanaly azamattar etıp tärbieleuge mındettı.
1 mausym – Halyqaralyq balalardy qorǧau künı. Osy künı ǧana emes, bız balapandarymyzǧa ömır boiy qorǧan boluǧa tiıspız. Sebebı, är balanyŋ sanasy – jazylmaǧan appaq paraq sekıldı. Olar qatygez qoǧamnyŋ qulyq-sūmdyǧynan beihabar. Jūrttyŋ bärın de jaqsy adamdar dep qabyldaityn perışte köŋıl balalarymyzdyŋ jüregıne tittei de jaryqşaq tüsıruge jol bermeuımız kerek.
Eŋ bastysy, balalardyŋ bärı aman bolsyn! Qazaqtyŋ är şaŋyraǧyna qylyqtary baldai tättı säbilerdı näsıp etın! Balalarǧa quanyştyŋ töresın syilaityn mereke qūtty bolsyn!

Taǧyda

Ūqsas jaŋalyqtar

Pıkır üsteu

Back to top button