Bügın Astana men Aqmola oblysyndaǧy balalar üiınıŋ 300-den asa tärbielenuşılerı «Nazarbaev ortalyǧynda» ötken merekelık konserttı tamaşalady.
Qazaqstan Respublikasy Tūŋǧyş Prezidentı – Elbasynyŋ qory ūiymdastyrǧan şara 1 mausym – Halyqaralyq balalardy qorǧau künıne orailastyrylǧan. Baldyrǧandarǧa arnalǧan baǧdarlama mazmūny qyzyqqa toly. Aşyq aspan astyndaǧy alaŋda «Şeberler qalasy» oryn tepken. Suret, kiız, tvisting, qyş-qūmyra, äşekei, sabynşy, face art, tıgınşıler şeberhanasynyŋ qonaǧy bolǧan büldırşınder ūstazdardyŋ nūsqauymen qolöner būiymdaryn jasauǧa mümkındık aldy. Al ǧimarat ışınde balalardy köŋıldı saiqymazaqtar men multfilm keiıpkerlerı qarsy alyp, teatrlandyrylǧan etiudterdı körsettı. Sonymen bırge, astanalyq muzykanttar men bi ūjymdary, animatorlar men teatr akterlerı kışkentailarǧa önerın arnap, köŋıldı keştıŋ körkın qyzdyrdy.
«Astanaǧa 80 tärbielenuşımızdı alyp keldık. Taŋerteŋnen bastap balalar qalanyŋ körıktı jerlerınde qydyrdy. «Duman» okeanariumyn aralady, «Han şatyr» sauda oiyn-sauyq ortalyǧynyŋ attraksiondarynda oinady, jaǧajaiynda şomyldy. Endı mıne, köŋıldı keştı körıp mäz-meiram bolyp otyr» deidı Esıl qalalyq №2 Balalar üiınıŋ tärbieşısı Svetlana Mazolevskaia.
Konsert soŋynda är büldırşın Qazaqstan Respublikasy Tūŋǧyş Prezidentı – Elbasynyŋ qorynyŋ atynan MP3-pleer, qolsaǧat sekıldı baǧaly syilyqtarǧa kenelıp, «Tättıler festivalı» aiasynda dastarqanǧa qoiylǧan dämdı mäzırden auyz tidı.
Mädina JAQYP
