Keşe Pekin Palas qonaqjaiynda Qazaqstan-Latviia biznes forumy öttı. Oǧan Astana qalasynyŋ äkımı İmanǧali Tasmaǧambetov pen Riga qalasynyŋ merı Nil Uşakov qatysty.
Jiyndy aşyp, meimandarǧa jyly lebızın bıldırgen qala äkımı aldymen jas Astananyŋ damu dinamikasyna toqtaldy. Kezınde oblys ortalyǧy bolǧan şaǧyn qala az uaqyttyŋ ışınde äsem Astanaǧa ainalǧany aityldy. Qysqa merzımde tūrǧyndar sany tört esege artyp, jalpy investisiia kölemı 3,5 mlrd AQŞ dollaryn qūrauy da – jas şahardyŋ jetıstıgı.
Elordada qūrylys salasy da qarqyndy jürgızılıp kele jatqanyn atap ötken İmanǧali Nūrǧaliūly jaŋa temırjol vokzaly salynyp, qoldanystaǧy halyqaralyq äuejai ǧimaraty qaitadan jaŋǧyrtylatynyn jetkızdı.
Astanada investorlarǧa qolaily jaǧdailar jasalǧan jäne osynda jüzege asyrylyp jatqan ırı jobalar da az emes. Ärtürlı saladaǧy osyndai jobalarǧa Latviia käsıpkerlerı de qatysa alatynyn qūlaqqaǧys etken şahar basşysy ekı eldıŋ ekonomikalyq bailanystardy keŋeituge mümkındıgı köp ekendıgın atap öttı.
İmanǧali Nūrǧaliūlynyŋ aituynşa, respublikalar arasyndaǧy tauar ainalymy äzırşe mäz emes. «Yntymaqtastyqty keŋeituge bızdıŋ äleuetımız jeterlık. Basty mäsele – kooperasiialyq bailanystardy ornatuda bolyp tūr», dedı ol.
Būdan keiın Riga qalasynyŋ merı Nil Uşakovqa söz berılıp, ol ekıjaqty ärıptestık qarym-qatynasty nyǧaituǧa beiıl ekendıkterın jetkızdı. «Ekı el arasyndaǧy alys-berıs asa köp bolmasa da, bız qai salany da damytuǧa müddelımız. Aitalyq, Astana men Riga qalalary arasynda äue reisın aşudy qarastyryp otyrmyz. Ol üşın barlyq qajettı jūmystardy qolǧa alatyn bolamyz. Sonymen bırge, Qazaqstannyŋ Rigadaǧy elşılıgınıŋ aşyluyn da asyǧa kütemız. Būl da qos şahar arasyndaǧy jarqyn bailanysty tereŋdete tüser edı» dedı Nil Uşakov.
Forumda «Astana – jaŋa qala» arnaiy ekonomikalyq aimaǧy äkımşılendıru basqarmasy basşysynyŋ mındetın atqaruşy Erken Aitbaev söz söilep, investorlar men käsıpkerlerdı qoldauǧa arnalǧan elımızdegı memlekettık baǧdarlamalarmen tanystyrdy. Ol elordadaǧy arnaiy ekonomikalyq aimaqta 47 serpındı joba jüzege asyrylyp jatqanyn atap öttı. Sonyŋ ışınde 19-y naqty paidalanuǧa berılgen. Al 17 joba – qūrylys satysynda bolsa, beseuı jer telımın resımdeu üstınde. Taǧy altauy jobalanyp jatyr eken. İndustriialdyq parkte erkın kedendık rejim saqtalǧany da aityldy. Osynda jūmysyn bastaǧan investorlar jer, mülık, korporativtık tabys salyqtarynan bosatylynyn da latyştar jadynda tüigenı anyq.
Iskerlık jiynnyŋ soŋynda qos tarap yntymaqtastyq turaly memorandumdarǧa qol qoidy.
